తెలుగుదేశం పార్టీని తిరుగులేని శక్తిగా మారుద్దాం.
ముస్లిం సోదరులతో ఆత్మీయ సమావేశంలో ఎమ్మెల్యే వసంత.
నారద వర్తమాన సమాచారం కొండపల్లి ప్రతినిధి.
ఎన్టీఆర్ జిల్లా మైలవరం నియోజకవర్గం తెలుగుదేశం పార్టీని తెలుగులో శక్తిగా మారుద్దామని, రానున్న సార్వత్రిక ఎన్నికల్లో అందరం ఐకమత్యంగా సత్తా చాటుదామని బిజెపి, జనసేన పార్టీలు బలపరిచిన మైలవరం నియోజకవర్గ తెలుగుదేశం పార్టీ అభ్యర్థి స్థానిక ఎమ్మెల్యే వసంత వెంకట కృష్ణ ప్రసాద్ పేర్కొన్నారు.కొండపల్లి మున్సిపాలిటీ 29 వార్డులో మహమ్మద్ అఫ్సర్ భాయ్ నివాసంలో శనివారం ఆత్మీయ సమావేశం నిర్వహించారు. ఈ సందర్భంగా ముస్లిం సోదరులు అభిమాని నేత వసంతను సాదరంగా ఆహ్వానించి, శాలువాలు కప్పి, ఘనంగా సత్కరించి పుష్పగుచ్చాలు అందజేశారు.రంజాన్ మాసం నేపథ్యంలో ఉపవాస దీక్షల సందర్భంగా ముస్లిం సోదర, సోదరీమణులకు ఎమ్మెల్యే కృష్ణప్రసాద్ ముందస్తుగా రంజాన్ శుభాకాంక్షలు తెలియజేశారు. అనంతరం మసీదులో నిర్వహించిన ప్రత్యేక ప్రార్థనల్లో పాల్గొన్నారు. ఈ కార్యక్రమంలో స్థానిక తెలుగుదేశం పార్టీ నాయకులు, కార్యకర్తలు, అభిమానులు, తదితరులు పాల్గొన్నారు.
Discover more from
Subscribe to get the latest posts sent to your email.
