వావిలాలను రాజకీయ నాయకులు ఆదర్శంగా తీసుకోవాలి నివాళులర్పించిన జైబీమ్ రావ్ భారత్ పార్టీ సత్తెనపల్లి ఎమ్మెల్యే అభ్యర్థి, న్యాయవాది జొన్నలగడ్డ విజయ్ కుమార్.

నారద వర్తమాన సమాచారం

వావిలాలను రాజకీయ నాయకులు ఆదర్శంగా తీసుకోవాలి

నివాళులర్పించిన జైబీమ్ రావ్ భారత్ పార్టీ సత్తెనపల్లి ఎమ్మెల్యే అభ్యర్థి, న్యాయవాది జొన్నలగడ్డ విజయ్ కుమార్.

ఒక పక్క ప్రజలకు సేవలను అందిస్తూ మరొక పక్క నిరాడంబరంగా జీవితాన్ని కొనసాగించిన ఆంధ్ర గాంధీ వావిలాల గోపాలకృష్ణను నేటి రాజకీయ నాయకులు ఆదర్శంగా తీసుకోవాలని జైభీమ్ రావ్ భారత్ పార్టీ సత్తెనపల్లి ఎమ్మెల్యే అభ్యర్థి న్యాయవాది జొన్నలగడ్డ విజయ్ కుమార్ పిలుపునిచ్చారు. సోమవారం పల్నాడు జిల్లా సత్తెనపల్లి లో జరిగిన వావిలాల 21 వ వర్ధంతి కార్యక్రమంలో ఆయన పాల్గొని మాట్లాడారు. ఎన్నికల సమయంలో కొంత మంది నాయకులు కోట్లు ఖర్చు పెట్టి గెలిచిన తర్వాత పెట్టిన ఖర్చుకు పది రెట్లు సంపాదించుకుంటూ ప్రజల సమస్యలను గాలికి వదిలేస్తున్నారని పేర్కొన్నారు. తాను మాత్రం వావిలాల అనుసరించిన నిరాడంబర మార్గంలో పయనిస్తూ ప్రజలకు సేవ చేస్తానని తెలిపారు. తొలుత వావిలాల విగ్రహానికి జొన్నలగడ్డ పూలమాలలు వేసి నివాళులర్పించారు. ఈ నేపథ్యంలో సంస్థ నిర్వాహకులు చేస్తున్నా పలు సేవలను ఆయన అభినందించారు. కార్యక్రమంలో పార్టీ నాయకులు మహంకాళి వెంకట్రావ్, కొరబండి రాబర్ట్, దాసరి వెంకటేశ్వర్లు తదితరులు పాల్గొన్నారు.