వావిలాల, యర్రం, కోడెల వలే జొన్నలగడ్డ అభివృద్ధి వైపు పయనం.ఈవీఎం బ్యాలెట్ ఆరో నెంబర్ లో కోటు గుర్తుకే ఓటు వేయండి

నారద వర్తమాన సమాచారం

వావిలాల, యర్రం, కోడెల వలే జొన్నలగడ్డ అభివృద్ధి వైపు పయనం.

ఈవీఎం బ్యాలెట్ ఆరో నెంబర్ లో కోటు గుర్తుకే ఓటు వేయండి

జెండా ఊపి ఎన్నికల ప్రచార ఆటో ను ప్రారంభించిన జైభీమ్ రావ్ భారత్ పార్టీ సత్తెనపల్లి ఎమ్మెల్యే అభ్యర్థి, న్యాయవాది జొన్నలగడ్డ విజయ్ కుమార్.

నియోజకవర్గ అభవృద్ధి స్థానికులై ఎమ్మెల్యే గా గెలిచిన వావిలాల గోపాల కృష్ణయ్య, యర్రం వెంకటేశ్వరరెడ్డి, కోడెల శివప్రసాద్ ల వలే తాను కూడా అభవృద్ధి వైపు పయనిస్తానని జైభీమ్ రావ్ భారత్ పార్టీ సత్తెనపల్లి ఎమ్మెల్యే అభ్యర్థి, న్యాయవాది జొన్నలగడ్డ విజయ్ కుమార్ పేర్కొన్నారు. గురువారం పల్నాడు జిల్లా సత్తెనపల్లి తాలూకా సెంటర్ లో ఎన్నికల ప్రచార ఆటో జెండా ఊపే కార్యక్రమంలో అయన పాల్గొని మాట్లాడారు. ఇప్పటి వరకు పక్క జిల్లాల నుంచి నాయకులు సత్తెనపల్లి కి వలస వస్తూ ఇక్కడ పోటీ చేస్తున్నారని పేర్కొన్నారు. గెలిస్తే ఇదేళ్లు అభవృద్ధి మరిచి దోచుకోవటం దాచుకోవటం చేస్తున్నారని ఓడిపోతే ఇటువైపు చూడటం లేదని తెలిపారు. నేను పక్కా లోకల్ నియోజకవర్గ ప్రజలు, రైతులు, యువత, మహిళలు, ఉద్యోగులు తదితర వర్గాల సమస్యలు తెలుసన్నారు. ప్రజా సేవకై తొలి అడుగు వేశానని స్థానికుడైన తనకు విజ్ఞులైన ఓటర్లు, ప్రజలు, మేధావులు, ప్రజా సంఘాల నాయకులు, మహిళలు యువత మద్దతు తెలిపి ఏవీఎం బ్యాలెట్ లో ఆరోవ నెంబర్ లో కోటు గుర్తు పై ఓటు వేసి అఖండ మెజార్టీ తో గెలిపించాలని కోరుతున్నానని చెప్పారు. తొలుత ఆయన డాక్టర్.బి. ఆర్. అంబేద్కర్ విగ్రహానికి పూల మాలలు వేసి నివాళులర్పించారు. కార్యక్రమంలో పార్టీ నాయకులు మహంకాళి వెంకట్రావ్, అనుమాలు ఏడుకొండలు, జిల్లెల పాల్ రాజ్, శ్రీనివాసరావు, దుగ్గి విజయ్ కుమార్ తదితరులు పాల్గొన్నారు.