నారద వర్తమాన సమాచారం
మే:19
ది మచిలీపట్నం రీజియన్ యస్ బి ఐ గోల్డ్ అప్రయిజర్స్ సమావేశం, కృష్ణజిల్లా నూతన కార్యవర్గ ప్రమాణ స్వీకారం..19.05.2024 ఆదివారం మచిలీపట్నంలోని ఈశ్వర్ రెసిడెన్సీ లో జరిగింది. ఈ సందర్భంగా ముమ్మిడివరం నుంచి వచ్చిన రాష్ట్ర అధ్యక్షులు నలమాటి కొండలరావు నూతన కార్యవర్గం చేత ప్రమాణ స్వీకారం చేయించారు. జిల్లా అధ్యక్షులుగా గుడివాడకు చెందిన కె.సత్యనారాయణ, ప్రధాన కార్యదర్శిగా మచిలీపట్నంకు చెందిన పి.ధనుంజయ్, కోశాధికారిగా ఉనికిలికి చెందిన ప్రదీప్ ఎన్నికయ్యారు. మచిలీపట్నంకు చెందిన అలుగోజు శేఖర్ ని జిల్లా కన్వీనర్ గా, ఉపాధ్యక్షులుగా పూర్ణచారి, సంయుక్త కార్యదర్శిగా మనోజ్, కార్యవర్గ సభ్యులుగా సత్యనారాయణ, రాజగోపాలాచారి, వెంకటరత్నం, భాస్కరరావు, రవీంద్రలను నియమించారు. అనంతరం వారు మాట్లాడుతూ మచిలీపట్నం రీజియన్ పరిధిలో 40కి పైగా ఎస్బిఐ బ్రాంచ్ లు ఉన్నాయని వాటిలో పనిచేస్తున్న అప్రైజర్లు ఎదుర్కొంటున్న సమస్యలను బ్యాంక్ ఉద్యోగుల సంఘం నాయకులతో చర్చించి, న్యాయమైన డిమాండ్ లను సాధించుకోవడానికి నూతన కార్యవర్గం కృషిచేస్తుందని తెలిపారు. రీజియన్ పరిధిలో ఉన్నవారు సెకండ్ అప్రైసర్ చార్జీలు రూ.3000/- తీసుకోవాల్సిందిగా తీర్మానించారు. రాష్ట్ర నాయకులు భీమవరానికి చెందిన అప్పలచారి, శ్రీనివాసరావు పాల్గొన్నారు.
Discover more from
Subscribe to get the latest posts sent to your email.
