హనుమంత్ జయంతి హనుమంతుని జన్మ రహస్యం:

నారద వర్తమాన సమాచారం

జూన్ :01

హనుమంతుని జన్మ రహస్యం గురించి ఇప్పుడు తెలుసుకుందాం.

రాముని భక్తుడైన హనుమంతుడిని హిందువులందరూ ఆదర్శనీయ దైవంగా భావిస్తారు. ఆంజనేయుడు, హనుమాన్, భజరంగబలి, మారుతీ, అంజనీసుతుడు, వానర వీరుడు, వాయుదేవుని సుతుడు, పరమ రామభక్తుడైన పవన పుత్రునికి ప్రపంచవ్యాప్తంగా ఆలయాలు ఉన్నాయి.

పురాణాల ప్రకారం.. హనుమంతుని తల్లి అంజనా దేవి, కేసరి అనే జంటకు కుమారునిగా జన్మించాడు. గతంలో అంజన బ్రహ్మ న్యాయస్థానంలో ఒక అప్సరసలా ఉండేది. ఆమె బాల్యంలో ఒక ముని తపస్సుకు భంగం కలిగించినందుకు శపించబడింది. ఆమె బాల్యంలో కాళ్లు ముడుచుకుని ద్యానం చేసుకుంటున్న కోతిని చూసి, ఆశ్చర్యంతో ఉత్సాహ భరితంగా, చిన్న పిల్ల అయిన అంజనా దేవి కోతిపై పండ్లు విసిరింది. దీంతో తన ధ్యానానికి భంగం కలిగిందని.. కోతి రూపంలో ఉన్న ముని నిజరూపంలో వచ్చి కోపంతో అంజనను, ఆమెతో ఎవరైనా ప్రేమలో పడినా.. పెళ్లాడినా వారు కోతిగా మారతారని శాపం ఇచ్చారు. మునిని వేడుకొనగా.. అయితే అంజనా దేవి తాను చేసిన తప్పు తెలుసుకుని తనను క్షమించమని వేడుకొనగా.. ఆ ముని శాంతించి కోతి రూపంలో ఉన్న ఆమెను ఎవరైతే ఇష్టపడతారో, శివుని అవతారమైన శిశువుకు ఆమె జన్మ ఇచ్చినప్పుడు తన శాపం నుండి విముక్తి లభిస్తుందని వరమిచ్చాడు. అడవిలో ఓ రోజు.. తన శాప విముక్తి కోసం అంజనాదేవి భూమి మీదకు వచ్చింది. ఓ అడవిలో నివాసముండగా.. ఓ రోజు ఒక మగాడిని చూసి ప్రేమలో పడుతుంది. ఆ క్షణం నుండి వెంటనే ఆమె కోతి రూపంలోకి మారింది. ఆ మనిషి తన పేరు ‘కేసరి’ అని, కోతులకు రారాజు అని తనను తాను పరిచయం చేసుకున్నాడు. కోతి ముఖం కలిగి ఉన్న అతన్ని చూసి ఆమె ఆశ్చర్యపోయింది.