మహాకూటమి విజయంతో మొక్కులు తీర్చుకుంటున్న ఎన్డీఏ శ్రేణులు.

నారద వర్తమాన సమాచారం

మహాకూటమి విజయంతో మొక్కులు తీర్చుకుంటున్న ఎన్డీఏ శ్రేణులు.

జి.కొండూరు నుంచి జమలాపురం వరకు పాదయాత్ర.

జి. కొండూరు ప్రతినిధి

ఎన్టీఆర్ జిల్లా . మైలవరం నియోజకవర్గం జి కొండూరు మండలం. ఆంధ్రప్రదేశ్ రాష్ట్రంలో ఎన్డీఏ మహాకూటమి గెలుపుతో పాటు, ముఖ్యమంత్రిగా నారా చంద్రబాబునాయుడు బాధ్యతలు స్వీకరించడం, మైలవరం శాసనసభ్యులు వసంత వెంకట కృష్ణప్రసాదు అఖండ విజయాన్ని పురస్కరించుకొని జి.కొండూరులో ఎన్డీఏ మహాకూటమి శ్రేణులు, స్థానిక తెలుగుదేశం పార్టీ నాయకులు, కార్యకర్తలు ఎమ్మెల్యే వసంత అభిమానులు బుధవారం ఉదయం జి.కొండూరు నుంచి జమలాపురం వరకు పాదయాత్ర చేపట్టారు.ఈ పాదయాత్రను మండల తెలుగుదేశం పార్టీ అధ్యక్షకార్యదర్శులు పజ్జూరు రవికుమార్ (వెంకయ్య), లంకా రామకృష్ణ, టీడీపీ సీనియర్ నాయకులు ఉయ్యూరు వెంకట నరసింహారావు, బేతపూడి నరసయ్య, తదితరులు టీడీపీ జెండాను ఊపి ప్రారంభించారు. ముందుగా అన్న ఎన్టీఆర్ విగ్రహానికి పూలమాలలు వేసి ఘనంగా నివాళులర్పించారు.
_ఈ సందర్భంగా టీడీపీ నాయకులు మాట్లాడుతూ ప్రసిద్ధ పుణ్యక్షేత్రమైన జమలాపురంలోని వెంకటేశ్వర స్వామి వారి దేవస్థానానికి కాలినడకన వెళ్లి స్వామివారిని దర్శించుకోనున్నట్లు వెల్లడించారు. చినుకులు పడుతున్నప్పటికీ వారి పాదయాత్ర కొనసాగింది. ఈ కార్యక్రమంలో ఎన్డీఏ మహాకూటమి నాయకులు, బీజేపీ, టీడీపీ, జనసేన కుటుంబ సభ్యులు పాల్గొన్నారు.