800 కేజీల గంజాయి ప్యాకెట్లు పట్టుకున్న బాలానగర్ పోలీసులు

నారద వర్తమాన సమాచారం

తెలంగాణ పోలీసులు, నార్కోటిక్ సిబ్బంది ఎంత నిఘా పెట్టినా, ఎన్నిసార్లు మాదక ద్రవ్యాలను పట్టుకున్నా, ఎంతమందిని అరెస్ట్ చేస్తున్నా నగరానికి సరఫరా మాత్రం ఆగడం లేదు. తాజాగా బాలానగర్ పోలీసులు అవుటర్ రింగ్ రోడ్డుపై పెద్దగోల్కొండ సమీపంలో ఓ కంటెయినర్ వాహనాన్ని తనికీలు చేయగా దానిలో 800 కేజీల గంజాయి ప్యాకెట్లు పట్టుబడ్డాయి.

పోలీసులు వాటిని, ఆ వాహనాన్ని స్వాధీనం చేసుకొని, వాహనంలో ఉన్న ఇద్దరినీ ప్రశ్నించి వారు ఇచ్చిన సమాచారంతో మరో ముగ్గురిని అరెస్ట్ చేశారు. మరో ఇద్దరి కోసం గాలిస్తున్నారు. వారు కూడా పట్టుబడితే ఈ ముఠాలో ఇంకెంతమంది ఉన్నారో, నగరంలో ఎవరెవరికి గంజాయి సరఫరా చేస్తున్నారో తెలిసే అవకాశం ఉంది. పోలీసులకు పట్టుబడిన వాహనం ఒడిశా నుంచి వచ్చిన్నట్లు పోలీసులు గుర్తించారు. అది పెద్ద అంబర్ పేట నుంచి గచ్చిబౌలి వెళుతుంటే పట్టుకున్నారు.