నారద వర్తమాన సమాచారం
కష్టపడే ప్రతి కార్యకర్తకు తెదేపాలో గుర్తింపు: ఎమ్మెల్యే ప్రత్తిపాటి పుల్లారావు
పార్టీ కోసం అంకితభావంతో పనిచేసిన కార్యకర్తలకు ప్రత్తిపాటి అభినందనలు
కష్టపడే ప్రతి కార్యకర్తకు తెదేపాలో గుర్తింపు ఉంటుందని మాజీమంత్రి, చిలకలూరిపేట ఎమ్మెల్యే ప్రత్తిపాటి పుల్లారావు తెలిపారు. పార్టీని అధికారంలోకి తీసుకురావడానికి అంకితభావంతో పనిచేసిన తెదేపా నాయకులు, కార్యకర్తలను అభినందిస్తూ సీఎం చంద్రబాబు సంతకంతో ప్రశంసా పత్రాలు వచ్చాయి. ఆదివారం తన నివాసంలో జరిగిన కార్యక్రమంలో ప్రత్తిపాటి పుల్లారావు వారికి ప్రశంసాపత్రాలు అందజేసి అభినందించారు. మన టీడీపీ యాప్ ద్వారా పార్టీ కంటెంట్ ను షేర్ చేసి చిలకలూరిపేట నియోజకవర్గంలో టాప్ పెర్ఫార్మర్ గా నిలిచిన 10 మందిని అభినందిస్తూ చంద్రబాబు సంతకంతో పార్టీ కేంద్ర కార్యాలయం నుంచి ప్రశంసా పత్రాలు వచ్చాయి. ఈ సందర్భంగా మాట్లాడిన ప్రత్తిపాటి చిలకలూరిపేట నియోజకవర్గంలో తెదేపాను తిరుగులేని శక్తిగా అభివృద్ధి చేయడంలో కార్యకర్తలు మరింత ఉత్సాహంతో పనిచేయాలన్నారు. ప్రజలకు అందిస్తున్న సంక్షేమ పథకాలు, అభివృద్ధి కార్యక్రమాలు, ప్రణాళికలను ప్రజలకు చేరువ చేసేందుకు మన టీడీపీ యాప్ ను విస్తృతంగా వినియోగించాలని ప్రత్తిపాటి సూచించారు.
Discover more from
Subscribe to get the latest posts sent to your email.
