న్యాయ నిపుణులతో పోలీస్ అధికారులకు మరియు సిబ్బందికి న్యాయ సహకార సమావేశం ఏర్పాటు చేసిన జిల్లా ఎస్పి కంచి శ్రీనివాసరావు ఐ పి ఎస్

నారద వర్తమాన సమాచారం

పల్నాడు జిల్లా పోలీస్.

నరసరావుపేట:-

పల్నాడు జిల్లా ఎస్పీ కంచి శ్రీనివాసరావు ఐపిఎస్ అధ్యక్షతన నరసరావుపేట రాధాకృష్ణ కళ్యాణ మండపం నందు న్యాయ నిపుణులతో పోలీస్ అధికారులకు మరియు సిబ్బందికి న్యాయ సహకార సమావేశం కార్యక్రమం నిర్వహించడం జరిగినది.

ఈ కార్యక్రమం నందు ప్రముఖ న్యాయ నిపుణులు మరియు పోలీస్ అధికారులు, కోర్టు కానిస్టేబుల్స్ కు కొత్త చట్టాలు BNS కు సంబంధించి చేయవలసిన మరియు చేయకూడని వివిధ పనుల గురించి అవగాహన కల్పించారు.

ఈ కార్యక్రమంలో జిల్లాలోని పోలీసు అధికారులు మరియు సిబ్బంది కేసు రిజిస్టర్ చేసిన తరువాత మరియు చార్జిషీట్ వేసే సమయంలో కోర్టు నందు ఎదురవుతున్న సమస్యలు, వాటిని ఎలా అధిగమించి కోర్టు నందు నడుచుకోవాలో అడిగి తెలుసుకోవడం జరిగింది.
ఈ కార్యక్రమం నందు ఉమ్మడి గుంటూరు జిల్లాకు సంబంధించిన PP లు మరియు APP లు 39 మంది పాల్గొనడం జరిగింది.
ఈ కార్యక్రమంలో పోలీస్ అధికారులకు మరియు సిబ్బందికి అవగాహన కల్పించిన ఉమ్మడి గుంటూరు జిల్లాకు చెందిన డిప్యుటీ డైరెక్టర్ ప్రాసిక్యూషన్ మధుసూదన్ రావు కి దుస్సాలువా కప్పి, మెమోంటో అందించి పల్నాడు జిల్లా ఎస్.పి ఘనంగా సన్మానించడం జరిగింది.