దీపావళి అందరి జీవితాల్లో వెలుగులు తేవాలని పల్నాడు జిల్లా ప్రజలకు శుభాకాంక్షలు తెలియజేసిన :జిల్లా కలెక్టర్ అరుణ్ బాబు

నారద వర్తమాన సమాచారం

దీపావళి అందరి జీవితాల్లో వెలుగులు తేవాలి:జిల్లా కలెక్టర్ అరుణ్ బాబు

కోటి దీపాల దీపావళి ప్రజలందరి జీవితాలలో కొంగొత్త వెలుగులు తేవాలని, అంతులేని ఆనందం, శ్రేయస్సు, ఆరోగ్యం, సంపదలతో వర్ధిల్లాలని అకాంక్షిస్తూ ప్రజలందరికీ జిల్లా కలెక్టర్ అరుణ్ బాబు దీపావళి శుభాకాంక్షలు తెలియజేసారు. చీకటిని పారద్రోలి వెలుగులు నింపే పండుగగా, చెడుపై మంచి విజయానికి ప్రతీకగా మనం దీపావళి పండగను జరుపుకుంటామని, ఈ దీపావళి అందరికీ విజయాలను కలుగ జేయాలని తెలిపారు. అందరి ఇంట్లో సిరులు పండాలని, ఆయురారోగ్యాలతో, అష్ట ఐశ్వర్యాలతో వర్ధిల్లాలని మనస్ఫూర్తిగా కోరుకుంటూన్నానని తెలిపారు . ఈ పండగను ఆనందంగా, సురక్షితంగా జరుపుకోవాలని, టపాసులు కాల్చేటప్పుడు జాగ్రత్త వహించాలని, దీపావళి అందరి జీవితాలలో సంతోషాల్ని మిగిల్చాలని కోరారు.