భీమవరం గ్రామ పరిసర ప్రాంతంలో గంజాయి పట్టుకున్న సత్తెనపల్లి పోలీసులు….!

నారద వర్తమాన సమాచారం

భీమవరం  గ్రామ పరిసర ప్రాంతంలో గంజాయి పట్టుకున్న సత్తెనపల్లి  పోలీసులు….!

పల్నాడు జిల్లా పోలీస్…..

పల్నాడు జిల్లా ఎస్పీ శ్రీ కంచి శ్రీనివాస రావు ఐపీఎస్ ఆదేశాల మేరకు సత్తెనపల్లి డి.ఎస్.పి M. హనుమంతరావు  ఆధ్వర్యంలో పట్టుకోవడం జరిగింది

ది.05.11.2024 గా తేదీ మంగళవారం సాయంత్రం సమయంలో సత్తెనపల్లి పట్టణ శివారులో గల భీమవరం గ్రామానికి వెళ్లే దారిలో ఉన్న రంగా కాలనీ 16వ లైన్ లోని తన్నీరు ఆవిడయ్య ఇంటి వద్ద ఇద్దరు వ్యక్తులు ప్లాస్టిక్ కవర్ మధ్యలో పెట్టుకొని ఉండగా పోలీసులను చూసి పారిపోవడం జరిగింది. పోలీసులు వెంబడించి పట్టుకొనగా వారి వద్ద రెండు కిలోల గంజాయి దొరికింది.

సత్తెనపల్లి పట్టణానికి చెందిన తన్నీరు అవడయ్య, విశాఖపట్నం కి చెందిన గోడే అప్పన్న అను వారిని అరెస్టు చేసి ఈరోజు కోర్టు నందు హాజరు పెట్టి రిమాండ్ కు తరలించడం జరిగింది.

పల్నాడు జిల్లాలో ఏమైనా అసాంఘిక కార్యకలాపాలను సహించబోమని, అసాంఘిక కార్యకలాపాలకు పాల్పడే వారి సమాచారం అందించిన వారి వివరాలు గోప్యంగా ఉంచుతామని పల్నాడు జిల్లా ఎస్పీ కంచి శ్రీనివాసరావు ఐపీఎస్  తెలిపారు.

అసాంఘిక కార్యకలాపాలకు పాల్పడి జైలుకు వెళ్లి వచ్చిన వారిపై నిరంతర నిఘా ఉంచడం జరుగుతుందని ఎస్పీ  తెలిపారు.

గంజాయి పట్టుకొనిన సత్తెనపల్లి టౌన్ సిఐ,ఎస్ఐ మరియు పోలీసు సిబ్బందిని ఎస్పీ  అభినందించారు