చింతూరు ఏజెన్సీలో రెచ్చిపోయిన మావోయిస్టులు

నారద వర్తమాన సమాచారం

చింతూరు ఏజెన్సీలో రెచ్చిపోయిన మావోయిస్టులు

అల్లూరి జిల్లా:
అల్లూరి సీతారామరాజు జిల్లా చింతూరు ఏజెన్సీలో మావోయిస్టులు అలజడి సృష్టించారు. సోమవారం అర్ధరాత్రి సమయంలో సరివెల వద్ద జాతీయ రహదారి-30పై గ్జైలో (XYLO) కారును పూర్తిగా దగ్ధం చేసారు.

ఈనెల 2 నుండి 8 వరకు జరిగిన మావోయిస్టు వారోత్సవాలు ముగిసిన వెంటనే ఈ ఘటన జరగడంపై పోలీసులు అప్రమత్తమయ్యారు. అయితే కారు నెంబర్ ప్లేట్ కూడా కనబడకుండా దగ్ధమైంది.

చింతూరు వైపు నుండి భద్రాచలం వెళ్లే రహదారి మధ్యలో సుమారు రాత్రి 1గంట ప్రాంతంలో ఈ ఘట న జరిగినట్టు పోలీసులు అంచనా వేస్తున్నారు.

అయితే ఈ కారు చత్తీస్గడ్ నుండా లేక ఆంధ్రా నుండి వెళ్తుందన్న విషయంపై పోలీసులకు ఎటువంటి సమాచారం లేదు. దగ్దమైన సమయంలో కారులో ఎంత మంది వ్యక్తులునున్నారు అనే దానిపై సమాచారం లేకపోవడంతో ఘటనా స్థలికి చేరుకొని పోలీసులు విచారణ చేపట్టారు

అయితే ఒక్కసారిగా ఊహించని రీతిలో అర్ధరాత్రి జరిగిన ఈ ఘటనపై చింతూరు ఏజెన్సీ ఉలిక్కిపడింది.