నారద వర్తమాన సమాచారం
ఫైళ్ళు క్లియరెన్స్ లో వేగం పెంచాలి: సీఎం చంద్రబాబు సీరియస్
ప్రభుత్వ కార్యాల‌యాల్లో ఈ-ఆఫీసులో ఫైళ్లు క్లియ‌రెన్సులో వేగం పెర‌గాలని, ఫైళ్లు ఎక్కడికక్కడ క్లియ‌ర్ కాకుండా ఆగిపోతున్నాయ‌నే దానిపైన కార్యద‌ర్శులు, శాఖ‌ల విభాగాధిప‌తులు సమీక్ష చేసుకోవాలని సీఎం చంద్రబాబు సీరియస్ అయ్యారు. ఆల‌స్యానికి గ‌ల కార‌ణాలు తెలుసుకుని వాటిని తొల‌గించి ఫైళ్లు త్వరిత‌గ‌తిన ప‌రిష్కారం చేయాలన్నారు. ఫైళ్లలో ఆర్థిక, ఆర్థికేత‌ర అనే రెండు ర‌కాల ఫైళ్లుంటాయని, ఆర్థికేత‌ర ఫైళ్ల పరిష్కారంలో ఫైళ్లు ఎట్టి ప‌రిస్థితిలోనూ పెండింగ్‌లో ఉండ‌కూడ‌దన్నారు. ఆర్థిక ప‌ర‌మైన ఫైళ్లు అయితే ఆయా శాఖ‌ల్లోని బ‌డ్జెట్ త‌దిత‌ర అంశాల‌ను సమీక్షించుకుని ఫైళ్లను త్వరిత‌గ‌తిన స‌మీక్షించాలన్నారు. కొన్ని శాఖ‌ల్లో కొంత‌మంది అధికారులు త‌మ వ‌ద్ద ఫైళ్లను ఆరు నెల‌లు, ఏడాది వ‌ర‌కు ఉంచుకుంటున్నారని, ఇది స‌రైన ప‌ద్దతి కాదన్నారు. కొన్ని ప్రభుత్వ శాఖ‌ల్లో స‌గ‌టున మూడు రోజుల్లోనే ఫైళ్లు క్లియ‌రెన్సు అవుతున్నాయని, మ‌రికొన్ని శాఖ‌ల్లో ఫైళ్లు ఆల‌స్య అవుతున్నాయని ఆర్టీజీఎస్ సీఈవో దినేష్ కుమార్ వివరణ ఇచ్చారు.
Discover more from
Subscribe to get the latest posts sent to your email.
