నారద వర్తమాన సమాచారం
డీమార్ట్ లో వియోగదారులకు అవగాహన కల్పిస్తున్న తూనికలు కొలతల శాఖ అధికారులు
తూనికలు కొలతల శాఖ ఆధ్వర్యంలో వినియోగదారులకు, వర్తకులకు అవగాహన సదస్సు
నరసరావుపేట,
తూనికలు కొలతలు శాఖ పల్నాడు జిల్లా ఆధ్వర్యంలో పట్టణంలోని రైతు డీమార్ట్ లో
వినియోగదారులకు మరియు వర్తకులకు లీగల్ మెట్రోలజీ అధికారులు అవగాహన కల్పించారు.
ఈ సందర్భంగా లీగల్ మెట్రాలజీ పల్నాడు జిల్లా ఇన్స్పెక్టర్ డి.శివశంకర్ మాట్లాడుతూ వినియోగదారులు నిత్యవసర సరుకులు కొనుగోలు చేసినప్పుడు వారికి ఖచ్చితమైన తూకం ప్రకారం విక్రయించాలని, అందుకు వాడే కాటాలను ప్రతి సంవత్సరం లీగల్ మెట్రాలజీ వారి స్టాంపింగ్ కు పంపించి తప్పనిసరిగా రసీదు పొందాలని తెలిపారు. పల్నాడు జిల్లా విజిలెన్స్ కమిటీ మెంబర్ పిల్లి యజ్ఞ నారాయణ మాట్లాడుతూ డీమార్ట్ సిబ్బంది వినియోగదారులతో మర్యాదపూర్వకంగా మాట్లాడాలని, వారిపై దురుసుగా ప్రవర్తించరాదని తెలిపారు. అలాగే వినియోగదారులు కొనుగోలు చేసేటప్పుడు అప్రమత్తంగా ఉండాలని, ఖచ్చితమైన తూకం అడిగే హక్కు వినియోగదారునికి ఉందని, తూకాలలో తక్కువ గనక ఉంటే నేషనల్ కన్స్యూమర్స్ హెల్ప్ లైన్ నంబర్ 1915 కి లేదా
సంబంధిత అధికారులకు లేదా వినియోగదాల సంఘ ప్రతినిధులకు ఫిర్యాదు చేయవచ్చని తెలిపారు. అలాగే ప్యాక్ చేసిన వస్తువులను కొనుగోలు చేసేటప్పుడు వాటి పై ప్యాకెడ్ కమెడిటీస్ రూల్స్ ప్రకారం ముద్రలు సక్రమంగా వున్నది లేనిది, తయారీ తేదీ, గడువు ముగియు తేదీ, తయారీదారుని పూర్తి చిరునామా, కస్టమర్ కేర్ నంబర్, ఎం.ఆర్.పి. మొదలగునవి సక్రమంగా ముంద్రించినది లేనిది తనిఖీ చేసి కొనుగోలు చేయాలన్నారు. బస్తాలు కొనుగోలు చేయనప్పుడు బస్తాపై ముద్రించి వున్న బరువుతో సరిపోతుందో లేదో తనిఖీ చేయాలన్నారు. తూనికలలొ తేడా వున్న 1915 కి గాని, సంబంధిత అధికారులకు గాని తెలియజేయాలని తెలిపారు. ఈ కార్యక్రమంలో ఏ.పి. వినియోగదారుల హక్కుల పరిరక్షణా సంస్థ ఏంజెల్ ప్రైడ్ కన్స్యూమర్ రైట్స్ ప్రొటెక్షన్ ఆర్గనైజేషన్ కార్యనిర్వహణా కార్యదర్శి కే.కిరణ్ కుమార్, డీమార్ట్ సిబ్బంది, వినియోగదారులు తదితరులు పాల్గొన్నారు.
Discover more from
Subscribe to get the latest posts sent to your email.
