నారద వర్తమాన సమాచారం
పల్నాడు జిల్లాలో ప్రతి గ్రామానికి ఆర్టీసీ బస్సు సౌకర్యం కల్పించాలి….!
ఆర్టీసీ బస్సు మార్గం రద్దు పరిచిన రహదారులలో పల్లె వెలుగు బస్సులు ప్రవేశపెట్టాలని ప్రయాణికులు కోరుతున్నారు. గురజాల కేంద్రం నుండి గొట్టిముక్కల, మాడుగుల, కారంపూడి వెళ్లేందుకు ఆర్టీసీ బస్సు సౌకర్యం లేక ఆటోలపై ఆధారపడుతున్నారు. ఆటోవాలాలు ప్రయాణికుల సహనాన్ని పరీక్షిస్తుంటారు.కారంపూడి రహదారిలో జె ఎం పురం, చర్లగుడిపాడు, లక్ష్మీపురం, ఒప్పిచర్ల గ్రామాలు ఉన్నాయి. కేవలం 18 కిలోమీటర్లు దూరానికి 50 రూపాయలు వసూలు చేస్తున్నారు. కూటమి ప్రభుత్వం బస్సు సౌకర్యం లేని గ్రామాలకు పల్లె వెలుగు బస్సులు ప్రవేశపెట్టేలా చర్యలు తీసుకోవాలని ప్రయాణికులు కోరుతున్నారు. కారంపూడికు బస్సు సౌకర్యం కల్పించేలా నెల్లూరు జోనల్ 3 ఆర్టీసీ చైర్మన్ సురేష్ రెడ్డి, గురజాలఎమ్మెల్యే యరపతినేని శ్రీనివాసరావు, మాచర్ల ఎమ్మెల్యే జూలకంటి బ్రహ్మానందరెడ్డి చొరవ చూపాలని ప్రయాణికులు తెలిపారు.
Discover more from
Subscribe to get the latest posts sent to your email.
