నారద వర్తమానం సమాచారం
గుంటూరు జీజీహెచ్లో మారువేషంలో సూపరింటెండెంట్ రాత్రివేళ ఆకస్మిక తనిఖీలు…..
గుంటూరు ప్రభుత్వ వైద్యశాల
ఇద్దరు సహాయకులను వెంటపెట్టుకుని ఓ వృద్ధుడు గుంటూరు ప్రభుత్వ వైద్యశాల (జీజీహెచ్)లో తనకు వైద్యం చేయమంటూ అక్కడి వైద్యులు, సిబ్బందిని అభ్యర్థించారు. చింపిరి జట్టు.. చేతిలో కర్ర, పాతచొక్కా మాసిన కండువాతో ముఖానికి మాస్క్తో ఉన్న అతడిని చూసి వైద్యులు కొన్ని వైద్యపరీక్షలకు రిఫర్ చేశారు.
అనంతరం ఆ వృద్ధుడు ఆసుపత్రిలోని పలు విభాగాల వద్దకు వెళ్లారు. ఆసుపత్రి వరండాల్లో తిరుగుతున్న శునకాలు, ఐసీయూల వద్ద సిబ్బంది చెబుతున్న సమాధానాలను ప్రత్యక్షంగా విన్నారు. ఔషధశాల వద్ద పరిస్థితిని గమనించారు. సుమారు గంటకు పైగా ఆసుపత్రి మొత్తం తిరుగుతూ ఆకస్మిక తనిఖీలు చేశారు.
ఇంతకీ ఆ వృద్ధుడెవరో కాదు.. జీజీహెచ్ సూపరింటెండెంట్ డాక్టర్ ఎస్.ఎస్.వి. రమణ. కొంతకాలంగా ఆసుపత్రిలో పరిస్థితిపై విమర్శలొస్తున్నాయి. రాత్రివేళ ఆర్ఎంవోలు, వైద్యులు అందుబాటులో ఉండటం లేదని ఆరోపణలు, వార్తలు వచ్చిన నేపథ్యంలో ఆయన ఇలా తనిఖీలు చేపట్టారు. కొన్ని లోపాలు గుర్తించినట్లు తెలుస్తోంది. వాటి మీద చర్యలు తీసుకుంటారని ఆశిద్దాం.
Discover more from
Subscribe to get the latest posts sent to your email.
