వైఎస్సార్సీపీలో చేరిన చింతపల్లి టీడీపీ కార్యకర్తలుకండువా కప్పి ఆహ్వానించిన ఎమ్మెల్యే ‘:నంబూరు శంకరరావు:

నారద వర్తమాన సమాచారం :అచ్చంపేట:ప్రతినిధి

వైఎస్సార్సీపీలో చేరిన చింతపల్లి టీడీపీ కార్యకర్తలు
కండువా కప్పి ఆహ్వానించిన ఎమ్మెల్యే నంబూరు శంకరరావు

పెదకూరపాడు నియోజకవర్గంలో వైఎస్సార్సీపీలో చేరికలు పెరిగాయి. రాష్ట్ర ప్రభుత్వం అందిస్తున్న సంక్షేమ పథకాలు, చేస్తున్న అభివృద్ధి నచ్చి.. ఎంతోమంది వైఎస్సార్సీపీలో చేరుతున్నారు. అచ్చంపేట మండలం చింతపల్లి గ్రామానికి చెందిన టీడీపీ వేమవరపు డేవిడ్ రాజు, వేమవరపు శివ, చిర్రా సుందర్రావు, వేమవరపు రమేష్, వేమవరపు పవన్ కళ్యాణ్, పగిడిమర్రి సువార్తయ్య( శివయ్య), పగిడిమర్రి విజయ్ కుమార్, వేమవరపు రోశయ్య తదితరులు వైఎస్సార్సీపీలో చేరారు. ఎమ్మెల్యే  నంబూరు శంకరరావు స్వయంగా కండువా కప్పి పార్టీలోకి ఆహ్వానించారు. ఈ సందర్భంగా ఎమ్మెల్యే  నంబూరు శంకరరావు  మాట్లాడుతూ.. ప్రభుత్వం అన్ని వర్గాలకు అండగా ఉంటుందని చెప్పారు. రాబోయే ఎన్నికల్లో వైఎస్సార్సీపీ గెలుపు కోసం అందరూ కలసి పనిచేయాలని సూచించారు. వైఎస్సార్సీపీ కుటుంబంలో చేరిన ప్రతి ఒక్కరికి తాను అండగా ఉంటానని.. ఎవరికి ఏ అవసరమొచ్చినా.. తాను ఉన్నాననే విషయం గుర్తుంచుకోవాలని సూచించారు.