నారద వర్తమాన సమాచారం
ఆర్ఎస్ఏఎస్టీఎఫ్ ( RSASTF )
ఆత్మకూరు వద్ద 21ఎర్రచందనం దుంగలు స్వాధీనం
రెండు వాహనాలతో 6గురు అరెస్టు
నెల్లూరు జిల్లా ఆత్మకూరు వద్ద 21 ఎర్రచందనం దుంగలు స్వాధీనం చేసుకోవడంతో పాటు, ఆరుగురు స్మగ్లర్లను టాస్క్ ఫోర్సు పోలీసులు అరెస్టు చేశారు. వారి నుంచి రెండు బొలెరో వాహనాలను స్వాధీనం చేసుకున్నారు. టాస్క్ ఫోర్సు ఇన్చార్జి, తిరుపతి జిల్లా ఎస్పీ ఎల్. సుబ్బరాయుడు ఆదేశాల మేరకు, టాస్క్ ఫోర్స్ ఎస్పీ పీ.శ్రీనివాస్ అధ్వర్యంలో కోడూరు సబ్ కంట్రోల్ ఆర్ఐ కే. కృపానంద కు చెందిన ఆర్ఎస్ఐ అల్లి బాషా టీమ్ గురువారం నెల్లూరు డివిజన్ వైపు కల అటవీ ప్రాంతంలో కూంబింగ్ చేపట్టింది. ఆత్మకూరు పరిధిలోని అనంతసాగరం అడవుల్లో కొంత మంది వ్యక్తులు బొలెరో వాహనాల్లో ఎర్రచందనం దుంగలు లోడ్ చేస్తూ కనిపించారు. వీరిని చుట్టుముట్టి అక్కడ ఉన్న ఆరుగురిని అరెస్టు చేశారు. వారిలో ముగ్గురు తమిళనాడు వేలూరు జిల్లాకు చెందిన వారు కాగా, మరో ముగ్గురు తిరుపతి జిల్లా కేవీ పురానికి చెందిన వారుగా గుర్తించారు. వీరి నుంచి 21ఎర్రచందనం దుంగలను స్వాధీనం చేసుకున్నారు. అరెస్టు చేసిన వారిని తిరుపతి టాస్క్ ఫోర్సు పోలీసు స్టేషన్ కు తరలించగా, ఎస్ఐ సీహెచ్ రఫీ కేసు నమోదు చేసుకుని దర్యాప్తు చేస్తున్నారు.
Discover more from
Subscribe to get the latest posts sent to your email.
