ఆంధ్రప్రదేశ్ సీఎం చంద్రబాబు భద్రతలో భారీ మార్పులు .

నారద వర్తమాన సమాచారం

ఆంధ్రప్రదేశ్ సీఎం చంద్రబాబు భద్రతలో భారీ మార్పులు చేశారు.

ఇటీవల కాలంలో చంద్రబాబుకు మావోయిస్టుల నుంచి ముప్పు పెరగడంతో అధికారులు అప్రమత్తం అయ్యారు. ఈ క్రమంలోనే సీఎం స్పెషల్ సెక్యూరిటీ గ్రూప్లో మార్పులు చేర్పులు చేశారు. మావోయిస్టులను సైతం ఎదుర్కోనేల సీఎం సెక్యూరిటీ వలయంలోకి కౌంటర్ యాక్షన్ టీమ్ ను చేర్చుకున్నారు. ప్రస్తుతం ఉన్న NSG, SSG, స్థానిక సాయుధ బలగాలకు అదనంగా.. మరో ఆరుగురు కమాండోలతో ఈ కౌంటర్ యాక్షన్ టీమ్ సీఎంకు భద్రత ఇవ్వనుంది. ఈ కౌంటర్ యాక్షన్ టీమ్కు SPG ఆధ్వర్యంలో శిక్షణ ఇస్తారు. అయితే గతంలో సీఎం చంద్రబాబు నాయుడిపై జరిగిన దాడుల నేపథ్యంలో Y+ కేటగిరి సెక్యూరిటీ కాస్త.. 2024 అసెంబ్లీ ఎన్నికల తర్వాత Z కేటగిరి సెక్యూరిటీ కల్పిస్తూ కేంద్ర ప్రభుత్వం నిర్ణయం తీసుకుంది. తాజాగా కౌంటర్ యాక్షన్ టీమ్ ను కూడా సీఎం భద్రతా వలయంలోకి రానుంది. దీంతో సీఎం చంద్రబాబు నాయుడు భద్రత ఇకపై కట్టుదిట్టంగా మారనుంది.