నారద వర్తమాన సమాచారం
కోడెల స్టేడియం, ఏరియా ఆసుపత్రి తనిఖీ చేసిన జిల్లా కలెక్టర్ కృతిక శుక్లా, ఎమ్మెల్యే అరవింద బాబు
నరసరావు పేట,
బుధవారం మధ్యాహ్నం జిల్లా కలెక్టర్ కృతిక శుక్లా, ఎమ్మెల్యే చదలవాడ అరవింద బాబు డా.కోడెల శివప్రసాద్ స్టేడియం, ఏరియా ఆసుపత్రిలను తనిఖీ చేశారు.
స్టేడియంలో వాకింగ్ ట్రాక్, రన్నింగ్ ట్రాక్ లతో పాటూ మరిన్ని ఆటలు ఆడేందుకు నిర్మాణాలు చేపట్టాలని శాప్ అధికారులను ఆదేశించారు. ఔత్సాహిక క్రీడాకారులకు అవసరమైన అన్ని సౌకర్యాలు స్టేడియంలో ఉండేలా చూడాలన్నారు.
ఎమ్మెల్యే విజ్ఞప్తి మేరకు క్లాక్ టవర్ వద్దనున్న ఏరియా ఆసుపత్రిని నూతన భవనానికి తరలించేందుకు చర్యలు తీసుకుంటామని జిల్లా కలెక్టర్ తెలిపారు. ఖాళీగా ఉన్న రేడియాలజిస్ట్ పోస్టుపై ప్రభుత్వానికి నివేదిస్తామన్నారు.
ఈ కార్యక్రమంలో రాష్ట్ర గ్రంథాలయ పరిషత్ చైర్ పర్సన్ గోనుగుంట్ల కోటేశ్వర రావు, ఆర్డీవో మధులత, డిఎంహెచ్వో రవి, డీసీహెచ్ఎస్ ప్రసూన దేవి తదితరులు పాల్గొన్నారు.
Discover more from
Subscribe to get the latest posts sent to your email.
