ప్రజల కోసం నిత్యం తప్పించే వారిని గెలిపించుకున్నపుడే ప్రజలకు అసలైన మేలు జరుగుతుందని ఎన్డీఏ కూటమి నరసరావుపేట ఎమ్మెల్యే అభ్యర్ధి డా.చదలవాడ అరవింద బాబు కుమార్తె డా.అమూల్య

నారద వర్తమాన సమాచారం

నాన్నని గెలిపించండి

నియోజకవర్గాన్ని అభివృద్ధిలో నడిపిస్తారు

గడపగడపనా ఎన్నికల ప్రచారంలో డా.అమూల్య పిలుపు

నరసరావుపేట టౌన్:-

ప్రజల కోసం నిత్యం తప్పించే వారిని గెలిపించుకున్నపుడే ప్రజలకు అసలైన మేలు జరుగుతుందని ఎన్డీఏ కూటమి నరసరావుపేట ఎమ్మెల్యే అభ్యర్ధి డా.చదలవాడ అరవింద బాబు కుమార్తె డా.అమూల్య పేర్కొన్నారు.నరసరావుపేట పట్టణంలో 24వ వార్డులో ఎన్డీఏ కూటమి నేతలతో కలిసి ఎన్నికల ప్రచారం నిర్వహించారు.గత ఐదేళ్లుగా నాన్నని చూస్తున్నా…ప్రజల కోసం ఆలోచించని రోజు లేదు,ప్రజల సమస్యలను పరిష్కరించాలనే తపన చూసి ఆశ్చర్యం కలుగుతోంది.పిల్లలు ఏం చేస్తున్నారు,ఎక్కడున్నారని ఆలోచించడం కంటే.. నియోజకవర్గంలో ఎక్కడో ఏదో సమస్య ఉంది,అధికారుల దగ్గరకు వెళ్లి దాన్న పరిష్కరించాలని తపించిన రోజులే ఎక్కువ అన్నారు.తెల్లవారు జామునే మేము నిద్ర లేచే సమయానికి ఇంట్లోంచి వెళ్లిపోయేవారు.ఎక్కడికెళ్లారని కనుక్కుంటే ఎక్కడో తాగునీటి సమస్యతో ఇబ్బందులు పడుతున్నారని వారికి వాటర్ ట్యాంకులు ఇస్తున్నారని,ఇంకేదో సమస్యతో బాధపడుతున్న వారి కోసం వెళ్లారని చెప్పడమో చేసేవారు అన్నారు.ఇలా ప్రజల కోసం నిత్యం పని చేసే నాయకుడిని బిడ్డనని చెప్పుకోవడానికి చాలా గర్వంగా ఉందని ఉద్వేగభరితమయ్యారు.ఇలాంటి వ్యక్తిని గెలిపించుకుంటే నియోజకవర్గం ఎలా ఉంటుందో ఆలోచించుకోవాలని డా.అమూల్య ప్రజలకు పిలుపునిచ్చారు.ఆలోచించండి…ఓటు వేసే ముందు మన భవిష్యత్తు,మన సమస్యల గురించి ఆలోచించుకుని ఓటేయండి అని డా.అమూల్య పిలుపునిచ్చారు.ఈ కార్యక్రమంలో టీడీపీ,జనసేన,బిజెపి నాయకులు,కార్యకర్తలు పాల్గొన్నారు.