నారద వర్తమాన సమాచారం
మే ,11
పిఠాపురం:
జనసేన అధినేత పవన్‌ కల్యాణ్ తూర్పుగోదావరి జిల్లా పిఠాపురం అసెంబ్లీ నియోజకవర్గం నుంచి పోటీ చేస్తున్న విషయం తెలిసిందే. ఈ నేపథ్యంలో ప్రముఖ నటుడు రామ్ చరణ్‌ , తన తల్లి సురేఖ, ప్రముఖ నిర్మాత అల్లు అరవింద్‌తో కలిసి శనివారం పిఠాపురం లో పర్యటించడం జనసేన శ్రేణుల్లో ఉత్సాహం నింపింది.
తొలుత పిఠాపురంలోని కుక్కుటేశ్వర స్వామి ఆలయాన్ని సందర్శించిన అనంతరం పవన్‌ కల్యాణ్ నివాసానికి వెళ్లారు. ఎన్నికల ప్రచారం చివరి రోజు కావడం, రామ్చరణ్ రావడంతో అభిమానులు కార్యకర్తలు పోటెత్తారు. భారీగా తరలి వచ్చిన జనసైనికులు, అభిమానులకు రామ్చరణ్ అభివాదం చేశారు. ఈ సందర్భంగా సురేఖ..
పవన్‌ కల్యాణ్‌కు ఆశీస్సులందించారు.
ఇప్పటికే సోషల్‌ మీడియా వేదికగా చరణ్‌.. పవన్‌కు మద్దతు తెలిపారు. తన తండ్రి చిరంజీవి .. జనసేనానికి సపోర్ట్‌గా ఓ వీడియో విడుదల చేయగా చరణ్‌ దాన్ని పోస్ట్‌ చేస్తూ ‘మీ భవిష్యత్తు కోసం పాటుపడే నాయకుడు పవన్‌ కల్యాణ్‌ని గెలిపించండి’ అని విజ్ఞప్తి చేశారు.
ఇప్పటికే నాగబాబు తన కుటుంబ సభ్యులతో కలిసి గత కొన్ని రోజులుగా పిఠాపురంలోనే మకాం వేసి పవన్‌ కల్యాణ్‌కు మద్దతుగా ప్రచారం నిర్వహిస్తున్నారు.
Discover more from
Subscribe to get the latest posts sent to your email.
