దాచేపల్లి హైవే ఘోర రోడ్డు ప్రమాదం

నారద వర్తమాన సమాచారం

దాచేపల్లి హైవే ఘోర రోడ్డు ప్రమాదం

దాచేపల్లి :-

పల్నాడు జిల్లా గురజాల నియోజకవర్గం దాచేపల్లి హైవే రోడ్డు పై గత రాత్రి 26/11/2024, రాత్రి 10:15 గంటలకు పిడుగురాళ్ల-దాచేపల్లి హైవేపై గోప్పుల సాంబయ్య షెడ్, కల్యాణి బార్ అండ్ రెస్టారెంట్ సమీపంలో ఘోర రోడ్డు ప్రమాదం జరిగింది.

ఈ ప్రమాదంలో కుక్కుమూడి బుజ్జి బాబు (వయసు: 45 సంవత్సరాలు), పిడుగురాళ్లకు చెందిన టెంటు హౌస్ సహాయకుడు, అక్కడికక్కడే మృతి చెందారు. మృతుడు క్రిస్టియన్ పేట్, పిడుగురాళ్లకు చెందినవాడు. అతనికి భార్య, రెండు కుమార్తెలు ఉన్నారు.

ప్రమాద వివరాలు:

మృతుడు ఒక ఫంక్షన్‌లో పని ముగించుకుని పిడుగురాళ్ల నుంచి దాచేపల్లి వెళ్తుండగా, ఆయన ప్రయాణిస్తున్న టాటా ఏసీ వాహనం టైర్ పంచర్ కావడంతో, డ్రైవర్ వాహనాన్ని గోప్పుల సాంబయ్య షెడ్ వద్ద ఆపి, పంచర్ వేయించేందుకు షాప్‌కు వెళ్లాడు. ఈ సమయంలో, మృతుడు వాహనంపై నుంచి దిగిపోయి రోడ్డు అవతలికి వెళ్ళేందుకు ప్రయత్నించగా, ఒక లారీ ఢీకొనడంతో ఆయన అక్కడికక్కడే మరణించాడు.

ప్రమాదానికి కారణమైన వాహనం:

లారీ డ్రైవర్ పేరు: నూతలపాటి శాస్త్రి, వయసు: 32 సంవత్సరాలు, పశుపుగల్లు గ్రామం, ప్రకాశం జిల్లా

తదనంతర చర్యలు:

ఎస్సై పాపారావు మృతదేహాన్ని గురజాల ప్రభుత్వ ఆసుపత్రికి తరలించారు. లారీ డ్రైవర్‌ను అదుపులోకి తీసుకుని విచారణ చేస్తున్నారు. ప్రమాదం గురించి మృతుడి కుటుంబసభ్యులకు సమాచారం అందించారు.

రోడ్డు ప్రమాదాలను నివారించేందుకు రోడ్డు భద్రతా నిబంధనలు పాటించవలసిందిగా ఎస్సై పాపారావు ప్రజలకు సూచించారు.