ఆందోళనకారుల విధ్వంసకాండతో బంగ్లాదేశ్ అట్టుడుకుతోంది. ఈ క్రమంలో ప్రధాని పదవికి రాజీనామా చేసి షేక్ హసీనా.. అనంతరం దేశం విడిచి సురక్షిత ప్రాంతానికి వెళ్లిపోయారు.

నారద వర్తమాన సమాచారం

ఆందోళనకారుల విధ్వంసకాండతో బంగ్లాదేశ్ అట్టుడుకుతోంది.

ఈ క్రమంలో ప్రధాని పదవికి రాజీనామా చేసి షేక్ హసీనా..

అనంతరం దేశం విడిచి సురక్షిత ప్రాంతానికి వెళ్లిపోయారు.

దీంతో బంగ్లాలో సైనిక పాలన ప్రారంభమైంది.

ఈ అల్లర్ల నేపథ్యంలో హసీనా కుమారుడు మాజీ అధికారిక సలహాదారు సజీబ్‌ వాజెద్‌ జాయ్‌ మాట్లాడుతూ.. బంగ్లాదేశ్ అభివృద్ధికి తన తల్లి ఎంతో కృషి చేసిందని చెప్పారు. కానీ, ఇప్పుడు బంగ్లాదేశ్.. పాకిస్థాన్ లా మారుతోందని ఆందోళన వ్యక్తం చేశారు. తన తల్లి హసీనా నేతృత్వంలో గ‌త 15 ఏళ్లలో బంగ్లాదేశ్ ఆర్థికంగా అభివృద్ధి చెందిందని చెప్పారు.

బంగ్లాదేశ్‌ను విఫలమైన దేశం నుండి ఆసియాలోని అభివృద్ధి చెందుతున్న దేశాల్లో ఒకటిగా నిలబెట్టిందన్నారు. “ఆమె అధికారం చేపట్టినప్పుడు.. బంగ్లాదేశ్, విఫలమైన పేద దేశంగా పరిగణించబడింది”.. ఇప్పుడు ఆసియాలోనే అత్యంత వేగంగా అభివృద్ధి చెందుతున్న దేశాల్లో రెండో స్థానంలో ఉందని చెప్పారు. ఇంత కష్టపడినా.. ఒక మైనారిటీ ఆమెకు వ్యతిరేకంగా లేవడం చాలా నిరాశకు గురిచేసిందన్నారు. బంగ్లాదేశ్‌ ‘ఉక్కు మహిళ’గా పిలువబడే తన తల్లి.. ఈ ఘటనలతో చాలా నిరుత్సాహానికి గురైందని తెలిపారు. తన తల్లి హసీనా ఆదివారం నుండి తన రాజీనామాను సమర్పించే ఆలోచనలో ఉన్నారని.. కుటుంబం ఒత్తిడితో ఆమె దేశం విడిచిపెట్టి వెళ్లిపోయారని.. మళ్లీ రాజకీయాల్లోకి రారని జాయ్ పేర్కొన్నారు.