నరఫ్స్ వర్తమాన సమాచారం
టాటా ట్రస్ట్ కు కొత్త బాస్ నోయల్ టాటా
ఢిల్లీ :-
రతన్ టాటా స్థానంలో ఆయన సోదరుడు నోయెల్ టాటా నియమితుల య్యారు. రతన్ టాటాకు నోయెల్ టాటా హాఫ్ బ్రదర్ అవుతారు. అంటే రతన్ టాటా తల్లిదండ్రులు విడిపోయిన తరువాత తన తండ్రి నావల్ టాటా మరో పెళ్లి చేసుకున్నారు.
అలా తన పిన తల్లి సైమన్ టాటాకు పుట్టిన కుమారుడే ఈ నోయెల్ టాటా. ఇప్పటికే టాటా గ్రూపులోని కొన్ని సంస్థల్లో నోయెల్ టాటా ముఖ్యమైన పదవుల్లో ఉన్నారు.
ట్రెంట్, టాటా ఇన్వెస్ట్‌మెంట్ కార్పొరేషన్ సంస్థలకు నోయెల్ టాటానే చైర్మన్‌గా ఉన్నారు. అలాగే, టాటా ఇంటర్నేషనల్ సంస్థకు మేనేజింగ్ డైరెక్టర్‌గా టాటా స్టీల్, టైటాన్ కంపెనీలకు వైస్ చైర్మన్‌గా కొనసాగు తున్నారు.
కొద్దిపాటి పెట్టుబడితో మొదలైన ట్రెంట్ సంస్థను వేల కోట్ల సంస్థగా తీర్చిదిద్దడంలో నోయెల్ టాటా పాత్ర కీలకం అని చెబుతారు. అంతేకాకుండా ఇండియాలో సిస్లె, జరా బ్రాండ్స్ లాంచ్ చేసిన ఘనత కూడా నోయెల్ టాటాదే.
టాటా ఇంటర్నేషనల్ వైపు నుండి వొల్వెరిన్ వరల్డ్ వైడ్ అనే అమెరికన్ ఫుట్ వేర్ మ్యానుఫాక్చరింగ్ కంపెనీ తో చేతులు కలిపి ఆ సంస్థ ను ఇండియాకు తీసుకొ చ్చింది కూడా నోయేల్ టాటానే. ఇలా టాటా గ్రూప్ సంస్థ వ్యాపారాల్లో నోయెల్ టాటా కూడా తన పని తాను చేసుకుపోయారు. ఇవేకాకుండా రతన్ టాటా ట్రస్ట్, దొరాబ్జీ టాటా ట్రస్టులకు నోయెల్ టాటా ట్రస్టీగా ఉన్నారు.
Discover more from
Subscribe to get the latest posts sent to your email.
