మంత్రి పొన్నం ప్రభాకర్ చేత ఉత్తమ రక్తదాత అవార్డు అందుకున్న డాక్టర్ బాలు..

నారద వర్తమాన సమాచారం

మంత్రి పొన్నం ప్రభాకర్ చేత ఉత్తమ రక్తదాత అవార్డు అందుకున్న డాక్టర్ బాలు..

కామారెడ్డి జిల్లా

ప్రతినిధి:జూన్ 14,

ప్రపంచ రక్తదాతల దినోత్సవం పురస్కరించుకొని హైదరాబాదులోని సంస్కృతి ఆడిటోరియంలో ఇండియన్ రెడ్ క్రాస్ సొసైటీ ఆధ్వర్యంలో ఏర్పాటు చేసిన ఉత్తమ రక్తదాతల అవార్డుల కార్యక్రమంలో భాగంగా ఐవిఎఫ్ సేవాదళ్ రాష్ట్ర చైర్మన్,రెడ్ క్రాస్ జిల్లా సమన్వయకర్త డాక్టర్ బాలుకు 73 సార్లు రక్తదానం చేయడంతో పాటు, తలసేమియా వ్యాధితో బాధపడుతున్న చిన్నారుల కోసం రక్తదాన శిబిరాలను అత్యవసర పరిస్థితుల్లో ఉన్నవారికి సకాలంలో రక్తాన్ని అందజేస్తున్నందుకుగాను ఉత్తమ రక్తదాత అవార్డు ను తెలంగాణ రవాణా బీసీ శాఖ మంత్రి పొన్నం ప్రభాకర్ అందజేయడం జరిగింది.
ఈ సందర్భంగా అవార్డు గ్రహీత డాక్టర్ బాలు మాట్లాడుతూ 2007 లో కామారెడ్డి రక్తదాతల సమూహన్ని ఏర్పాటుచేసి ఇప్పటివరకు 20 వేల మందికి సకాలంలో రక్తాన్ని అందజేసి ప్రాణాలను కాపాడడం జరిగిందని అన్నారు.ఈ అవార్డు పొందడానికి సహకరించిన రెడ్ క్రాస్ జిల్లా చైర్మన్ రాజన్న,ఐవిఎఫ్ సేవాదళ్ రాష్ట్ర చైర్మన్ ఉప్పల శ్రీనివాస్ గుప్తా,రక్తదాతలకు, మీడియా ప్రతినిధులకు కృతజ్ఞతలు తెలియజేశారు.