కొమ్మినేని నరసయ్య ప్రజల మనిషి ఆయన లేని లోటు పార్టీకి తీర్చలేనిది నరసయ్య విగ్రహావిష్కరణలో ఎమ్మెల్యే తంగిరాల సౌమ్య, విజయవాడ పార్లమెంట్ అధ్యక్షులునెట్టెం రఘురాం….

నారద వర్తమాన సమాచారం

కొమ్మినేని నరసయ్య ప్రజల మనిషిఆయన లేని లోటు టిడిపికి తీర్చలేనిది నరసయ్య విగ్రహావిష్కరణలో ఎమ్మెల్యే తంగిరాల సౌమ్య, విజయవాడ పార్లమెంట్ అధ్యక్షులు శ్రీ నెట్టెం రఘురాం

కంచికచర్ల మండలం, గని ఆత్కూరు : –

ఎన్టీఆర్ జిల్లా కంచికచర్ల మండలం గని ఆత్కూరు తెలుగుదేశం పార్టీ సీనియర్ నాయకులు స్వర్గీయ కొమ్మినేని నరసయ్య విగ్రహావిష్కరణ కార్యక్రమాన్ని నందిగామ ఎమ్మెల్యే తంగిరాల సౌమ్య, విజయవాడ పార్లమెంట్ అధ్యక్షులు నెట్టెం రఘురాం చేపట్టారు. గురువారం నాడు కంచికచర్ల మండలం గని ఆత్కూరు గ్రామంలో స్థానిక గ్రామ మండల పార్టీ నేతలతో కలిసి ఈ కార్యక్రమాన్ని నిర్వహించారు. అనంతరం ఎమ్మెల్యే తంగిరాల సౌమ్య మాట్లాడుతూ, నరసయ్య లేని లోటు తెలుగుదేశం పార్టీకి తీర్చలేనిదని, ప్రతిపక్షంలో ఎన్నో పోరాటాలు, ప్రజా వ్యతిరేక కార్యక్రమాలను చేపడుతూ ఎప్పటికప్పుడు నాయకులకు అందుబాటులో ఉంటూ ఒక దిక్సూచిగా నరసయ్య ఉన్నారని తెలిపారు. ప్రభుత్వం అధికారంలోకి వచ్చేసరికి నరసయ్య మన మధ్య లేకపోవడం నిజంగా బాధాకరమని అన్నారు. కూటమి ప్రభుత్వం అభివృద్ధి సంక్షేమం దిశగా పనిచేస్తుందని సీఎం చంద్రబాబు డిప్యూటీ సీఎం పవన్ కళ్యాణ్ నేతృత్వంలో కూటమి నాయకులు గ్రామాల్లో పెద్ద ఎత్తున సంక్షేమ అభివృద్ధి కార్యక్రమాలను చేపడుతున్నారన్నారు. ఇటీవల అధిక వర్షాలు వరదల వల్ల అతలాకుతలమైన గ్రామాలను తిరిగి మళ్లీ గాడిలో పెట్టే విధంగా అభివృద్ధి పనులకు పెద్ద ఎత్తున నిధులను మంజూరు చేశారని ఈ సందర్భంగా గుర్తు చేశారు. సహాయక చర్యలు నష్టపరిహారాలు పెద్ద ఎత్తున అందజేసిన ఘనత కూటమి ప్రభుత్వానికే దక్కిందన్నారు. ఇచ్చిన హామీల అమలులో భాగంగా మరెన్నో కార్యక్రమాలను చేసుకుంటూ కూటమి ప్రభుత్వం ముందుకెళుతుందని స్పష్టం చేశారు. ఈ కార్యక్రమంలో వివిధ గ్రామాల నాయకులు, మండల పార్టీ నేతలు కూటమి కార్యకర్తలు పెద్ద ఎత్తున పాల్గొన్నారు.