బీసీలందరూ టీడీపీకి వెన్నుదన్నుగా ఉండాలి.మైలవరం తెదేపా ఉమ్మడి అభ్యర్థి వసంత కృష్ణప్రసాద్.

నారద వర్తమిన సమాచారం విజయవాడ రూరల్ :ప్రతినిధి

బీసీలందరూ టీడీపీకి వెన్నుదన్నుగా ఉండాలి.

మహాకూటమి విజయంలో ముఖ్య భూమిక పోషించాలి.

మైలవరం తెదేపా ఉమ్మడి అభ్యర్థి వసంత కృష్ణప్రసాద్.

తెలుగుదేశం పార్టీ బీసీ ప్రతినిధులతో సమావేశం.

త్వరలో నియోజకవర్గ స్థాయిలో బీసీల ఆత్మీయ సమావేశం.

బీసీలందరూ తెలుగుదేశం పార్టీకి వెన్నుదన్నుగా ఉండాలని, మహాకూటమి విజయంలో ముఖ్య భూమిక పోషించాలని మైలవరం తెలుగుదేశం పార్టీ ఉమ్మడి అభ్యర్థి, స్థానిక ఎమ్మెల్యే వసంత కృష్ణప్రసాదు పిలుపునిచ్చారు.
విజయవాడ రూరల్ మండలం గొల్లపూడిలోని తెలుగుదేశం పార్టీ కార్యాలయంలో శనివారం తెలుగుదేశం పార్టీ బీసీ విభాగం ప్రతినిధులతో ఎమ్మెల్యే కృష్ణప్రసాద్ ప్రత్యేకంగా సమావేశయ్యారు.
ఈ సందర్భంగా కృష్ణప్రసాదు మాట్లాడుతూ. బీసీలకు రాజ్యాధికారం కల్పించిన ఘనత అన్న ఎన్టీఆర్ కి దక్కుతుందన్నారు. అదే స్ఫూర్తిని నారా చంద్రబాబు నాయుడు కూడా కొనసాగించారని పేర్కొన్నారు. రానున్న సార్వత్రిక ఎన్నికల్లో బీసీ సోదర సోదరీమణులు అందరూ తెలుగుదేశం పార్టీ మహాకూటమి విజయానికి కీలక పాత్ర పోషించాలన్నారు.కులాల మధ్య కుంపటి పెడుతూ బీసీలను విచ్ఛిన్నం చేసేందుకు వైయస్సార్ కాంగ్రెస్ పార్టీ కుట్ర పన్నిందన్నారు. వైసీపీ కుట్రలను సమర్థవంతంగా ఎదుర్కొని రానున్న ఎన్నికల్లో తెలుగుదేశం పార్టీకి బీసీలు ఎప్పుడు అండగా ఉంటారని విషయాన్ని నిరూపించాలన్నారు. సత్యమేవ జయతే అని ఏనాటికైనా సత్యమే గెలుస్తుంది, నిలుస్తుందన్నారు.త్వరలో మైలవరం నియోజవర్గ స్థాయిలో బీసీలతో ఆత్మీయ సమావేశం ఏర్పాటు చేస్తామన్నారు.ఈ సమావేశానికి రాష్ట్రస్థాయి బీసీ నాయకులు హాజరవుతారన్నారు. బీసీలందరూ భారీ ఎత్తున ఈ సమావేశానికి హాజరయ్యాలా చర్యలు తీసుకోవాలని సూచించారు. ఈ కార్యక్రమంలో మైలవరం నియోజకవర్గ బీసీ ప్రతినిధులు, తెలుగుదేశం నేతలు తదితరులు పాల్గొన్నారు.