మోసాల బాబుకు ఓటుతో బుద్ధి చెబుదాం 13 వ వార్డు ప్రచారంలో అంబటి సతీమణి విజయలక్ష్మి

నారద వర్తమాన సమాచారం

మోసాల బాబుకు ఓటుతో బుద్ధి చెబుదాం

13 వ వార్డు ప్రచారంలో అంబటి సతీమణి విజయలక్ష్మి

సత్తెనపల్లి

కుట్రలు, కుతంత్రాలతో ఏ విధంగానైనా అధికారం లోకి రావాలనే దురుద్దేశంతో అలవికాని హామీలను ఇస్తున్న మోసాల బాబుకు ఓటుతోనే బుద్ధి చెబుదామని రాష్ట్ర జలవనరుల శాఖా మాత్యులు, అంబటి రాంబాబు సతీమణి, మహిళా నాయకురాలు అంబటి విజయలక్ష్మి అన్నారు.శనివారం పట్టణంలో ని 13 వ వార్డులో మున్సిపల్ చైర్ పర్సన్ చలంచర్ల లక్ష్మీ తులసితో కలిసి ఆమె పర్యటించారు. ఈ ఐదేళ్లలో ఈ సచివాలయం పరిధిలో రూ.13.14 కోట్ల సంక్షేమ అభివృద్ధి జరిగిందని వివరించారు. ఒక్క ఆరోపణ లేకుండా, అవినీతి జరక్కుండా నేరుగా లబ్ధిదారుల ఖాతాకే సంక్షేమ పథకాలు జమ చేయటం చారిత్రాత్మకమన్నారు. ఇంటింటి ప్రచారంలో భాగంగా ప్రతి ఒక్కరిని ఆత్మీయంగా పలకరించారు. ప్రభుత్వం అందించిన సంక్షేమ పథకాలు చేసిన అభివృద్ధిని వివరించారు.2024 ఎన్నికలను పురస్కరించుకొని జగన్ మేనిఫెస్టోలో పాత పథకాలను కొనసాగిస్తూ, కొన్ని విస్తృతిని పెంచారన్నారు. వాటిని ప్రజలకు వివరించారు. ఈ సందర్భంగా విజయలక్ష్మి మాట్లాడుతూ జగన్మోహన్ రెడ్డి జగన్ ఒకే ఒక్కడు పేదల వైపు నిలబడితే కూటమి నేతలు పెత్తందారులకు అండగా నిలిచారన్నారు. తెలుగుదేశం ప్రభుత్వం గెలిస్తే సంక్షేమ పథకాలు కొనసాగవని , చంద్రబాబు నాయుడు ఇచ్చే హామీలను ఎవరు నమ్మే పరిస్థితుల్లో లేరని విజయలక్ష్మి పేర్కొన్నారు. ఇంటింటికి తిరుగుతూ కరపత్రాలు అందిస్తూ, ఫ్యాను గుర్తుకు ఓటు వేయమని కోరుతున్నారు.
సత్తెనపల్లిలో అంబటి రాంబాబును, నరసారావుపేట పార్లమెంటులో అనిల్ కుమార్ యాదవ్ ను గెలిపించాలని అభ్యర్థిస్తున్నారు. మహిళ నేతలు అందరూ కలిసికట్టుగా వార్డుల్లో పర్యటించడంతో విశేష స్పందన లభిస్తోంది. స్థానికులతో మాట కలిపి నియోజకవర్గంలో జరిగిన ప్రశాంతమైన ,మంచి పరిపాలనను స్థానికులకు వివరిస్తున్నారు. పింఛన్ లబ్ధిదారులను , వృద్ధులను పలకరించి అధైర్య పడకండి అని, రానున్నది సంక్షేమ ప్రభుత్వమేనని మీ ఇంటికే మళ్ళీ పెన్షన్ వస్తుందని భరోసా ఇస్తున్నారు. మేలు జరిగిందని నమ్మితే ఫ్యాను గుర్తుకు ఓటు వేసి మీ బిడ్డ జగన్ను గెలిపించు కోవాలని వారిని కోరుతున్నారు. కార్యక్రమంలో పల్నాడు జిల్లా మహిళ నాయకురాలు డాక్టర్ గీతా హసంతి , స్థానిక వార్డు కౌన్సిలర్ బండి రాజ్యలక్ష్మి, పలువురు కౌన్సిలర్లు, మహిళా నేతలు, వైఎస్ఆర్సిపి అనుబంధ సంఘాల బాధ్యులు పాల్గొన్నారు.