ప్రధాని నరేంద్ర మోడీకి రేడియో గిఫ్ట్ గా పంపిన ఏ పి సి సి  చీఫ్ వైఎస్ షర్మిలారెడ్డి

నారద వర్తమాన సమాచారం

కడప జిల్లా

వైఎస్ షర్మిలా రెడ్డి
ఏ పి సి సి  చీఫ్ & కడప ఎంపీ అభ్యర్థి

ప్రధాని నరేంద్ర మోడీకి రేడియో గిఫ్ట్ గా పంపిన ఏ పి సి సి  చీఫ్ వైఎస్ షర్మిలా రెడ్డి

మా ఏపి ప్రజల మన్ కి బాత్ మీరు వినండి

మీకు రాష్ట్రంలో అడుగుపెట్టే అర్హత లేదు

ముందు మీరు ఆంధ్ర ప్రదేశ్ ప్రజలకు క్షమాపణ చెప్పండి

10 ఏళ్లు రాష్ట్రాన్ని మోసం చేసి ఎన్నికల కోసం మళ్ళీ కపట ప్రేమ చూపిస్తున్నారు

ఎన్నికల కోసం ఇన్ని సార్లు వచ్చిన మీరు..అభివృద్ధి కోసం ఒక్కనాడైనా వచ్చారా

మీపై ఏపి ప్రజల తరుపున ఛార్జ్ షీట్ ఇస్తున్నాం

మీకు దమ్ముంటే ఏపి ప్రజలకు ఇప్పుడైనా ఇచ్చిన హామీలను అమలు చేస్తామని అఫిడవిట్ రాసి ఇవ్వండి

10 ఏళ్లలో మోడీ చేసిన మోసాలకు 10 ప్రశ్నలు సందిస్తున్నాం

పది ప్రశ్నలు

1) నాడు పార్లమెంటు సాక్షిగా రాష్ట్రానికి ప్రత్యేక హోదా అని, తర్వాత ఆ మాటమరిచి రాష్ట్రాన్ని వెన్నుపోటు పొడిచారు

2) జగన్ రివర్స్ టెండెరింగును అడ్డుకోకుండా, పోలవరం ప్రాజెక్టు వినాశనానికి నాంది పలికారు, ఎత్తుతగ్గించే కుట్రలు కూడా చేస్తున్నారు

3) మీ చేతులమీదుగా భూమిపూజ జరిపించుకున్న అమరావతి రాజధాని పదేళ్ల తర్వాత కూడా పూర్తి కాలేదు

4) పోరాటాలు, ప్రాణార్పణ ద్వారా సాకారమైన విశాఖ ఉక్కును, అక్కడి సెంటిమెంటుకు విరుద్ధంగా అమ్మేద్దామని చూస్తూ, మళ్ళీ విశాఖ మీద దొంగ ప్రేమ ఒలకబోస్తున్నారు

5) కడప స్టీల్ ప్లాంట్, విశాఖ రైల్వే జోన్ వంటివి, విభజన చట్టంలో కాంగ్రెస్ ఇచ్చిన అనేక హామీలను తుంగలోతొక్కి, రాష్ట్రానికి తీవ్రమైన అన్యాయం చేసారు

6) మీ దత్తపుత్రుడు మద్యం సిండికేటు నడుపుతూ, కల్తీ మద్యంతో మనుషుల ప్రాణాలు తీస్తున్నా మీరు ఉలకలేదు, పలకలేదు. ఢిల్లీలో కేజ్రీవాల్ ను అరెస్టు చేసారు, ఇక్కడ మాత్రం ఎటువంటి చర్యలు లేవు

7) దేశంలో ఎస్సీ, ఎస్టీల రేజర్వేషన్లను అంతం చేయటానికి పూనుకున్నారు, మరియు రాష్ట్రంలో దళితులపై దాడులు, అత్యాచారాలు జరుగుతున్నా, మీ కమీషన్లకు ఫిర్యాదులు చేస్తున్నా, మీరు రాష్ట్ర సర్కారును ప్రశ్నించలేదు, చర్యలకు ఉపక్రమించలేదు

8) ఇసుక, మద్యం, ఖనిజాలు, అక్రమ కాంట్రాక్టులు, దొంగదారిలో రాష్ట్రం చేస్తున్న అప్పులు, కేంద్ర ఇచ్చే నిధుల మళ్లింపు, ఇలా ఎటు చూసినా రాష్ట్రంలో అవినీతి రాజ్యమేలుతున్నా, కేంద్రం నుండి ఎటువంటి చర్యలు లేవు

9) కర్నూలులో అవినాష్ రెడ్డిని అరెస్ట్ చేయడానికి సిబిఐ వచ్చి, చేతకాక, శాంతిభద్రతల సమస్యంటూ బెదిరి వెనుతిరిగింది. ఈ విషయంలో మీ సర్కారు మిన్నకుండి కూర్చోవటం యావత్ దేశానికే అవమానం

10) దేశవ్యాప్తంగా ప్రతి ఏడాది రెండు కోట్ల ఉద్యోగాలు కల్పిస్తామని మాటయిచ్చి, మాట తప్పి, దేశ యువతను, నిరుద్యోగులను ఘోరంగా మోసం చేసారు

మోదీ గారు, ఆంధ్ర ప్రదేశ్ ప్రజల మన్ కి బాత్ లో మీరు ఖచ్చితంగా దోషే
ఈ గడ్డ మీద అడుగుపట్టిన ప్రతిసారి ఇక్కడి ప్రజలను క్షమాపణ కోరండి