నారధ వర్తమాన సమాచారం
ఆర్ఎస్ఏ* *ఎస్టీఎఫ్
11ఎర్రచందనం దుంగలతో పాటు, రెండు కార్లు, రెండు మోటారు సైకిళ్ళు స్వాధీనం : ఒకరి అరెస్ట్
భాకరాపేట అటవీ ప్రాంతంలో 11 ఎర్రచందనం దుంగలతో పాటు, రెండు కార్లు, రెండు మోటారు సైకిళ్లు ను స్వాధీనం చేసుకున్న టాస్క్ ఫోర్స్ ఒక స్మగ్లర్ ను అరెస్ట్ చేశారు. టాస్క్ ఫోర్స్ ఇంచార్జి, తిరుపతి జిల్లా ఎస్పీ ఎల్. సుబ్బారాయుడు ఆదేశాల మేరకు, టాస్క్ ఫోర్స్ ఎస్పీ పీ శ్రీనివాస్ ఆధ్వర్యంలో డిఎస్పీ డీ. మురళీధర్ సూచనలతో ఆర్ ఎస్ ఐ లు విష్ణు వర్ధన్ కుమార్, సురేష్ బాబు ఆదివారం సాయంత్రం నుంచి భాకరాపేట అటవీప్రాంతంలో కూంబింగ్ చేపట్టారు. తిరుపతి ఫారెస్ట్ డివిజన్ లోని ఎర్రావారిపాలెం నుంచి ఎల్లమంద, ఉస్తికాయలపెంట అటవీ ప్రాంతాల్లో కూంబింగ్ చేపట్టారు. అక్కడ నుంచి పీలేరు-భాకరాపేట మెయిన్ రోడ్డులో ఎల్లమంద క్రాస్ వద్ద వాహనాలు తనిఖీ చేశారు. సోమవారం ఉదయం టాస్క్ ఫోర్స్ సిబ్బందిని చూసిన రెండు కార్లు దూరంగా ఆగి పోయి, పారిపోయే ప్రయత్నం చేశారు. కార్లకు పైలట్లు గా వచ్చిన రెండు మోటారు సైకిళ్ళు అక్కడే ఆపిన వ్యక్తులు పారిపోసాగారు. అయితే టాస్క్ ఫోర్స్ సిబ్బంది వారిని వెంబడించగా ఒకరిని పట్టుకోగలిగారు. అతనిని తమిళనాడు తిరువన్నామలై జిల్లా జమునామత్తూరుకు చెందిన వ్యక్తిగా గుర్తించారు. అతనిని తిరుపతి టాస్క్ ఫోర్స్ పోలీసు స్టేషన్ కు తరలించి కేసు నమోదు చేయగా ఎస్ ఐ సీహెచ్ రఫీ దర్యాప్తు చేస్తున్నారు….
Discover more from
Subscribe to get the latest posts sent to your email.
