కృష్ణా నదిలో చేపల వేటకు వెళ్లి దారి తప్పిన ఫ్యామిలీని రక్షించి సురక్షిత ప్రాంతానికి చేర్చిన మాచర్ల పోలీసులు

నారద వర్తమాన సమాచారం

కృష్ణా నదిలో చేపల వేటకు వెళ్లి దారి తప్పిన ఫ్యామిలీని రక్షించి సురక్షిత ప్రాంతానికి చేర్చిన మాచర్ల పోలీసులు

మాచర్ల:-

పశ్చిమగోదావరి జిల్లా, తాడేపల్లిగూడెం గ్రామoకు చెందిన కొడమంచిలి శ్రీను…. శ్రీను వెంకట్ /సన్నాఫ్ నాగేశ్వరరావు, అతని భార్య అయిన కొడమంచిలి ధనలక్ష్మి ఇద్దరు చేపలు పట్టే పని కోసం పల్నాడు జిల్లా, వెల్దుర్తి మండలం జెండా పెంట గ్రామం దగ్గర మర్రిచెట్టు ముండే ప్రాంతం దగ్గరకు ఏప్రిల్ 19 వ తేదీన వచ్చినారు. వేటకు కృష్ణ నదిలో వెళ్లి ది.02.05.2025వ తేదీన ఉదయం 07.00 గంటలకు దారి తప్పి,
రాత్రంతా నీరు, ఆహారం లేకుండా కొత్తపుల్లారెడ్డి గూడెం అడవుల్లో ఉండి, దారి తెలియకపోవడంతో మరుసటి రోజు ఉదయం అనగా ఈ రోజు 03.05.2025వ తేదీన ఉదయం 09.00 గంటలకు డయల్ 100 కు ఫోన్ చేయగా, పల్నాడు జిల్లా ఎస్పీ కంచి శ్రీనివాసరావు ఆదేశాల మేరకు మాచర్ల రూరల్ సి ఐ ఎస్ కె . నఫీష్ బాష మరియు వెల్దుర్తి ఎస్ఐ అయిన ఎస్.కె .సమందర్ వలి వెంటనే స్పందించి, వారి యొక్క ఫోను లొకేషన్ తెలుసుకొని, సిబ్బంది సహాయంతో వారి యొక్క జాడని కనుక్కొని, వారిని అక్కడి నుండి సురక్షిత ప్రాంతానికి చేర్చారు . వెంటనే స్పందించి తమ ప్రాణాలు కాపాడి సురక్షిత ప్రాంతానికి తీసుకువచ్చిన పల్నాడు జిల్లా పోలీసు వారికి బాధితులు కృతజ్ఞతలు తెలుపుతున్నారు