శ్రీలంకను ఊడ్చిపడేస్తున్న ‘మిత్వ’ తుఫాన్…….

నారద వర్తమాన సమాచారం

దేవుడే దిక్కు… శ్రీలంకకు..

శ్రీలంకను ఊడ్చిపడేస్తున్న ‘మిత్వ’ తుఫాన్ — భారీగా ఆస్తి నష్టం, ప్రాణనష్టం

కొలంబో: శ్రీలంకపై మిత్వ తుఫాన్ విరుచుకుపడి విస్తృతస్థాయిలో విధ్వంసం సృష్టిస్తోంది. బలమైన గాలులు, విపరీతమైన వర్షాలతో ద్వీపదేశం అల్లకల్లోలంగా మారింది. తుఫాన్ ప్రభావంతో అనేక ప్రాంతాల్లో చెట్లు కూలిపోయాయి, విద్యుత్ సరఫరా నిలిచిపోయింది. తీరప్రాంతాల్లో సముద్రం ఉప్పొంగి ఇళ్లు, దుకాణాలు నీటమునిగాయి.

ప్రాథమిక సమాచారం ప్రకారం భారీగా ఆస్తి నష్టం సంభవించగా, ప్రాణనష్టం కూడా చోటుచేసుకున్నట్లు అధికారులు వెల్లడించారు. అత్యవసర సేవా విభాగాలు రక్షణ చర్యల్లో నిమగ్నమై ఉన్నాయి. పలు జిల్లాలో పరిస్థితి పూర్తిగా అదుపు తప్పడంతో ప్రభుత్వం అప్రమత్తత ఆదేశాలు జారీ చేసింది.

తుఫాన్ మరో 12 గంటల పాటు ప్రభావం చూపే అవకాశం ఉందని వాతావరణ శాఖ హెచ్చరించింది. ప్రజలు బయటకు రావద్దని, సురక్షిత ప్రాంతాలకు వెళ్లాలని సూచించింది.