బీజేపీ రాష్ట్ర ఆర్గనైజేషన్ ప్రధాన కార్యదర్శి  మధుకర్ జీ తో సిరిపురం తేజేశ్వరరావు భేటీ :

నారద వర్తమాన సమాచారం :విజయవాడ:ప్రతినిధి

ఆంధ్రప్రదేశ్ రాష్ట్ర బీజేపీ ప్రధాన  ఆర్గనైజేషన్ కార్యదర్శి  మధుకర్ జీ తో పాతపట్నం నియోజకవర్గ బీజేపీ సీనియర్ నాయకుడు సిరిపురం తేజేశ్వరరావు భేటీ అయ్యారు.

విజయవాడలోని రాష్ట్ర పార్టీ కార్యాలయంలో ఆదివారం ఉదయం ఆయన్ను మర్యాదపూర్వకంగా కలిశారు.

ఇటీవల బీజేపీ లో చేరిన సిరిపురం తేజేశ్వరరావు గత నాలుగు రోజులుగా ఢిల్లీలోని బీజేపీ జాతీయ నాయకత్వాన్ని, నాయకుల్ని కలిసి వారి ఆశీస్సులు తీసుకున్నారు.

ఆదివారం ఢిల్లీ నుంచి నేరుగా విజయవాడ చేరుకుని పార్టీ రాష్ట్ర నాయకత్వాన్ని కలిసి వారి మార్గదర్శకత్వం పొందారు.

పాతపట్నం నియోజకవర్గంలోని ప్రతి గ్రామంలో కాషాయ జెండా ఎగరవేయటమే తన లక్ష్యమని.. పార్టీ బలోపేతానికి రాష్ట్ర నాయకత్వం నుంచి అవసరమైన దిశా నిర్దేశం చేసి, సహాయ సహకారాలు అందించాలని మధుకర్ జీని. తేజేశ్వరరావు కోరారు.

పార్టీ బలోపేతానికి కృషి చేయాలని.. అన్ని విధాల రాష్ట్ర నాయకత్వం అండగా ఉంటుందని మధుకర్ జీ తేజేశ్వరరావుకు సూచించారు.