నారద వర్తమాన సమాచారం :ప్రతినిధి
కనులపండువగా ఎమ్మెల్యే వసంత జన్మదినోత్సవ వేడుకలు.
సంప్రదాయానుసారంగా ఉగాది పర్వదినం.
ఐతవరంలో కుటుంబ సభ్యులతో కలిసి ప్రత్యేక పూజలు.
నారద వర్తమాన సమాచారం జి కొండూరు ప్రతినిధి.
తెలుగు సంవత్సరాది ఉగాది పర్వదినంతో పాటు మైలవరం తెలుగుదేశం పార్టీ ఉమ్మడి అభ్యర్థి, స్థానిక ఎమ్మెల్యే వసంత వెంకట కృష్ణ ప్రసాదు జన్మదినోత్సవ వేడుకలను పురస్కరించుకొని ఐతవరంలోని తన స్వగృహంలో మంగళవారం ప్రత్యేక పూజలు నిర్వహించారు. నేటితో చైత్రమాసంలో వసంత రుతువు ప్రవేశిస్తుంది. సాంప్రదాయం ప్రకారం ఉగాది పర్వదిన వేడుకలను జరుపుకున్నారు. వేద పండితుల శాస్త్రోక్త మంత్రోచ్ఛారణల మధ్య హోమం నిర్వహించారు. పూజ కార్యక్రమాలలో ఎమ్మెల్యే వసంత కృష్ణప్రసాదు , ఆయన సతీమణి శిరీష , కుమారుడు థీమంత్ సాయి , కుటుంబ సభ్యులు పాల్గొన్నారు.
ఈ సందర్భంగా ఎమ్మెల్యే వసంత కృష్ణ ప్రసాదు మాట్లాడుతూ.
ప్రజలందరికీ ఉగాది శుభాకాంక్షలు తెలియజేశారు. కాలగమన సౌధానికి తొలి వాకిలి ఉగాది అని అన్నారు. నూతన ఏడాదిలో ప్రజలందరూ సుఖ సంతోషాలతో అష్టైశ్వర్యాలతో సంతోషంగా ఉండాలని ఆకాంక్షించారు. ఆ భగవంతుని ఆశీస్సులతో రానున్న ఎన్నికల్లో మహాకూటమి అధికారంలోకి వస్తుందన్నారు. మైలవరం నియోజకవర్గ సమగ్రాభివృద్ధికి, పేదల సంక్షేమానికి నిర్విరామంగా కృషి చేస్తూనే ఉంటానని స్పష్టం చేశారు.
Discover more from
Subscribe to get the latest posts sent to your email.
