ప్రతీ ఒక్క మహిళ ఫోన్లో నిక్షిప్తం చేసుకుని ఆపద సమయంలో పోలీసు వారి తక్షణ సహాయం పొందగలరు. అడిషనల్ ఎస్పీ జే.వి.సంతోష్….

నారద వర్తమాన సమాచారం

మహిళలు భద్రతకు శక్తి యాప్ రక్షణ కవచం.

ప్రతీ ఒక్క మహిళ ఫోన్లో నిక్షిప్తం చేసుకుని ఆపద సమయంలో పోలీసు వారి తక్షణ సహాయం పొందగలరు.

ఆంధ్రప్రదేశ్ రాష్ట్ర ప్రభుత్వం ప్రతిష్టాత్మకంగా మహిళలు,బాలికల భద్రత కొరకు శక్తి యాప్ (SHAKTI App) ను ప్రవేశపెట్టడం జరిగింది. కావున ఈ రోజు పోలీస్ పెరేడ్ గ్రౌండ్ స్కూలు విద్యార్థును లతో సెల్ఫ్ డిఫెన్స్ (స్వీయ రక్షణ ) కార్యక్రమాన్ని చేపట్టిన అడిషనల్ ఎస్పి J.V. సంతోష్.

ఈ సందర్భంగా అడిషనల్ ఎస్పీ మాట్లాడుతూ….

ఈ యాప్ ప్రధానంగా మహిళలపై జరిగే వేధింపులు,అత్యాచారాలు, మరియు ఇతర హింసాత్మక సంఘటనలను నివారించటానికి ఎంతగానో ఉపయోగపడుతుంది అని కావున పల్నాడు జిల్లాలో ప్రతీ ఒక్క మహిళ,గృహిణిలు విద్యార్థినిలు,బాలికలు వారి యొక్క ఫోన్లు నందు ఈ శక్తి యాప్ ను నిక్షిప్తం చేసుకుని ఆపద సమయంలో పోలీసు వారి తక్షణ సహాయం, సహకారం పొందాలని పల్నాడు జిల్లా అడిషనల్ ఎస్పీ  J.V. సంతోష్  తెలిపారు.

ఆపదలో ఉన్న మహిళలు ఎవరైనా ఎస్.ఓ.ఎస్ బటన్ ప్రెస్ చేస్తే వారు ఉన్న ప్రాంతం వివరాలు దగ్గర్లో ఉన్న పోలీస్ స్టేషన్ నకు డయల్ 112 నెంబరుకు చేరుతుందని వెంటనే పోలీసులు అప్రమత్తమై సంఘటన స్థలానికి చేరుకొని వారికి రక్షణ కల్పించే విధంగా చర్యలు చేపట్టడం జరుగుతుందని జిల్లా అడిషనల్ ఎస్పీ తెలిపారు.

ఈ కార్యక్రమాన్ని పురస్కరించుకొని శక్తి యాప్ యొక్క ముఖ్య ప్రయోజనాలు అడిషనల్ ఎస్పీ  తెలియజేశారు:

1.అత్యవసర సహాయం – మహిళలు ఏదైనా ఆపదలో ఉన్నప్పుడు,ఈ యాప్ ద్వారా పోలీసులకు వెంటనే సమాచారం ఇవ్వవచ్చు.

2.ఒక క్లిక్ SOS అలర్ట్ – ఒక్క కీ నొక్కితే పోలీసులకు, కుటుంబసభ్యులకు, లేదా స్నేహితులకు అప్రమత్తమైన సందేశం వెళ్ళిపోతుంది.

3.జియో-లోకేషన్ ట్రాకింగ్ – అత్యవసర పరిస్థితుల్లో, పోలీస్ కంట్రోల్ రూమ్ మహిళ ఉన్న ప్రదేశాన్ని తక్షణమే గుర్తించి సహాయం అందించగలదు.

4.నేరం నివేదిక (Complaints Registration) – వేధింపు, లైంగిక దాడి, ఎవరైనా శారీరకంగా హాని కలిగించినప్పుడు, మహిళలు ఈ యాప్ ద్వారా నేరాన్ని అధికారులకు తెలియజేయవచ్చు.

5.సమాచార అవగాహన – మహిళా హక్కులు, రక్షణ చట్టాలు, మరియు ప్రభుత్వ నిబంధనల గురించి పూర్తి వివరాలు పొందవచ్చు.

6 ప్రత్యక్ష పోలీస్ సహాయం – సమీపంలోని పోలీస్ స్టేషన్ సమాచారం, హెల్ప్ లైన్ నంబర్లను యాప్ లో పొందుపరిచారు.

ఈ స్వీయ రక్షణ (సెల్ఫ్ డిఫెన్స్) కార్యక్రమం ముఖ్య ఉద్దేశం మహిళలలో విద్యార్థును లలో *అత్యవసర సమయాలలో తనను తాను ఎలా రక్షించుకోవాలో మెలకువలు తెలియజేయడం జరిగింది.

అదేవిధంగా విద్యార్థి దశ నుంచి వారి మనోధైర్యాన్ని పెంపొందించుటకు కావలసిన సెల్ఫ్ డిఫెన్స్ (స్వీయ రక్షణ) తోడుపడుతుందని తెలిపారు.

జిల్లా మహిళలకు జిల్లా అడిషనల్ ఎస్పీ  ముఖ్య విజ్ఞప్తి. మహిళలు,బాలికలు,విద్యార్థినులు,ఉద్యోగినులు, గృహిణులు అత్యవసర పరిస్థితుల్లో రక్షణ అవసరమైన వారు ఈ యాప్ ద్వారా మరింత భద్రంగా ఉండగలరు మరియు అత్యవసర సమయంలో పోలీస్ వారి యొక్క సహాయాన్ని పొందగలరు అని,మహిళలు, చిన్నారులు తమకు ఎదురయ్యే వివిధ పిర్యాదులు,ఇబ్బందులపై పోలీసు వారి సహాయం కొరకు శక్తి యాప్ ద్వారా పొందవలనని,సిబ్బంది తక్షణమే స్పందించి డయల్ 112 కాల్స్ ను దగ్గరలోని పోలీస్ స్టేషన్ కు సమాచారం చేరవేస్తే పోలీసు సిబ్బంది సంఘటన స్థలానికి వెళ్లి వారికి తక్షణ సహాయం, సహకారం అందిస్తారని, కావున జిల్లాలో ప్రతీ ఒక్క మహిళ, విద్యార్థినిలు, బాలికలు,ఉద్యోగినులు, గృహిణులు మీ యొక్క ఫోన్లు నందు ఈ శక్తి యాప్ ను నిక్షిప్తం(డౌన్లోడ్) చేసుకోవాలని జిల్లా అడిషనల్ ఎస్పీ  J.V సంతోష్ కోరారు.

ఈ కార్యక్రమంలో  అడిషనల్ ఎస్పీ తో పాటు మహిళా పోలీస్ స్టేషన్ డిఎస్పి వెంకట రమణ ,మరియు మహిళా పోలీస్ సిబ్బంది, శంకర భారతి మరియు తిలక్ స్కూలు విద్యార్థినులు సుమారు 500 మంది పాల్గొన్నారు.