పసునూరు లో శ్రీరామనవమి సందర్భంగా ట్రాక్టర్ పోటీలు

నారద వర్తమాన సమాచారం / మార్చి 29/నల్గొండ జిల్లా ప్రతినిధి :శంకర్

నాంపల్లి మండలం పసునూరు గ్రామంలో శ్రీరామనవమి సందర్భంగా ట్రాక్టర్ పోటీలు ఉత్సాహంగా నిర్వహించబడినాయి. గ్రామ యువకులు రైతులు పెద్ద సంఖ్యలో పాల్గొని పోటీలను విజయవంతం చేశారు. ఈ కార్యక్రమాన్ని గ్రామ పెద్దలు ట్రాక్టర్ల యూనియన్ లో సంయుక్తంగా నిర్వహించినారు. ట్రాక్టర్ల శక్తి వేగం, డ్రైవింగ్ నైపుణ్యం ప్రదర్శించే విధంగా వివిధ రకాల పోటీలను ఏర్పాటు చేయగా ప్రేక్షకులు ఆసక్తిగా వీక్షించారు. పోటీలలో గెలుపొందిన వారికి నగదు బహుమతులు ట్రోఫీలు అందజేశారు. ఈ సందర్భంగా ఆలయ చైర్మన్ రేగోజు నరసింహ చారి మాట్లాడుతూ ప్రతి సంవత్సరం ఇలాగే నిర్వహిస్తామని అన్నారు. ఈ కార్యక్రమంలో గ్రామ పెద్దలు ఆలయ గౌరవ అధ్యక్షులు పసునూరి జైపాల్ రెడ్డి, సాఫ్ట్వేర్ ఇంజనీర్ పోగుల వెంకటరెడ్డి తండ్రి ఇస్తాపరెడ్డి, రాగి పని ధనంజయ చారి, వీరమళ్ళ సందీప్, కెసిఆర్, సైదిరెడ్డి,ఎస్కే ఖాదర్, ఇద్రిస్, ట్రాక్టర్ యూనియన్ సభ్యులు తదితరులు పాల్గొన్నారు