భారత్  త్వరలో ప్లాస్టిక్ కరెన్సీ నోట్లు విడుదల చేయనుంది….!

నారద వర్తమాన సమాచారం

భారత్  త్వరలో ప్లాస్టిక్ కరెన్సీ నోట్లు విడుదల చేయనుంది….!

తడిసినా, మడతపెట్టినా దెబ్బతినవు.. చిరిగిపోవు
నకిలీ నోట్లకు చెక్‌పెట్టేలా ప్రత్యేక భద్రతా ఫీచర్లు
ఎక్కువ కాలం మన్నిక.. ముద్రణ వ్యయం అదా
ఇప్పటికే కసరత్తు ముమ్మరం చేసిన రిజర్వు బ్యాంకు

సరికొత్త ప్లాస్టిక్ నోట్ల ప్రత్యేకతలు
సాధారణ కాగితపు నోట్లతో పోలిస్తే ప్లాస్టిక్ (పాలిమర్) నోట్లు ఎంతో ఆధునికమైనవి మరియు మన్నికైనవి.
మన్నిక: ఈ నోట్లు నీటిలో తడిసినా, అనుకోకుండా మడతలు పడినా పాడవవు. సాధారణంగా కాగితపు నోట్లు చిరిగిపోయినట్లు ఇవి అంత సులభంగా చిరిగిపోవు.
నకిలీ నోట్ల నియంత్రణ: కరెన్సీ నకిలీల నిరోధానికి ఈ నోట్లలో అత్యాధునిక సాంకేతికతతో కూడిన ప్రత్యేక భద్రతా ఫీచర్లను  పొందుపరుస్తున్నారు.
పర్యావరణ హితం & వ్యయ నియంత్రణ: ఇవి ఎక్కువ కాలం మనుగడలో ఉండటం వల్ల పదే పదే కొత్త నోట్లను ముద్రించాల్సిన అవసరం తగ్గుతుంది. దీనివల్ల కేంద్ర ప్రభుత్వానికి మరియు ఆర్‌బీఐకి ముద్రణ వ్యయం భారీగా ఆదా అవుతుంది.

ఆర్‌బీఐ ముమ్మర కసరత్తు
ఈ సరికొత్త ప్లాస్టిక్ నోట్లను మార్కెట్లోకి తీసుకురావడానికి భారత రిజర్వు బ్యాంకు ఇప్పటికే అంతర్గత కసరత్తును వేగవంతం చేసింది.

నివేదికల ప్రకారం, 2025-26 ఆర్థిక సంవత్సరానికి సంబంధించిన వార్షిక ప్రణాళికల్లో భాగంగా కరెన్సీ నిర్వహణలో మార్పులపై ఆర్‌బీఐ దృష్టి పెట్టింది.

దేశవ్యాప్తంగా ప్లాస్టిక్ నోట్లను ప్రయోగాత్మకంగా ప్రవేశపెట్టేందుకు అనువైన వాతావ్రియ పరిస్థితులు, ప్రజల వినియోగ తీరుపై నిపుణుల కమిటీలతో అధ్యయనం చేయిస్తోంది.

ఏయే నోట్లు మొదట రానున్నాయి?
ప్రారంభ దశలో భాగంగా నిత్యం ప్రజల్లో ఎక్కువగా చలామణి అయ్యే చిన్న నోట్లను ప్లాస్టిక్ రూపంలో తీసుకురావాలని భావిస్తున్నారు.
రూ. 10, రూ. 20, రూ. 50 నోట్లను ప్రయోగాత్మకంగా ప్లాస్టిక్ (పాలిమర్) నోట్లుగా మార్చే అవకాశం ఉంది.
ఈ ప్రయోగం విజయవంతమై, ప్రజల నుంచి సానుకూల స్పందన వస్తే.. ఆ తర్వాత విడతల వారీగా రూ. 200, రూ. 500 వంటి పెద్ద నోట్లలోనూ ప్లాస్టిక్ కరెన్సీని ప్రవేశపెట్టేందుకు వీలుంటుందని అధికారులు భావిస్తున్నారు.