దొండపాటి యువరాజును పరామర్శించిన :మంత్రి అంబటి:

దొండపాటి యువరాజును పరామర్శించిన మంత్రి అంబటి

నారద వర్తమాన సమాచారం:సత్తెనపల్లి:ప్రతినిధి

ముప్పాళ్ళ మండలం మాదల గ్రామానికి చెందిన దొండపాటి యువరాజు పట్టణంలోని గిరిజా వైద్యశాలలో చికిత్స పొందుతుండగా రాష్ట్ర జలవనరుల శాఖామాత్యులు అంబటి రాంబాబు గురువారం పరామర్శించారు. జరిగిన సంఘటనను అడిగి తెలుసుకున్నారు. వాడి కుటుంబ సభ్యులకు భరోసా ఇచ్చారు. పార్టీ ప్రభుత్వం మీకు అండగా ఉంటుందని ఆయన ఆత్మస్థైర్యం కలిగించారు. వైద్యులతో మాట్లాడారు. మెరుగైన చికిత్స అందించాలని ఆదేశించారు. యువరాజు ఇటీవల ట్రాక్టర్ ఫై ఎండు గడ్డి తీసుకువస్తుండగా ఫణిదం గ్రామంలో రాత్రి సమయంలో విద్యుత్ తీగలు తగిలి ఎండు గడ్డి, ట్రాక్టరు దగ్ధమయ్యాయి. ఈ సంఘటనలో వాహన చోదకుడైన యువరాజు కూడా మంటల్లో చిక్కుకొని తీవ్రగాయాల పాలయ్యారు. డాక్టర్ శ్రీధర్ పర్యవేక్షణలో చికిత్స పొందుతున్నారు. మంత్రి తో పాటు మాదల నాయకులు సైదా తదితరులు ఉన్నారు