కోటప్పకొండ సందర్శించి పరిసరాలను పరిశీలించిన ఐజి సర్వ శ్రేష్ట త్రిపాఠి ఐపీఎస్ పల్నాడు జిల్లా ఎస్పీ కంచి శ్రీనివాసరావు ఐపిఎస్

నారద వర్తమాన సమాచారం 

కోటప్పకొండ సందర్శించి పరిసరాలను పరిశీలించిన ఐజి సర్వ శ్రేష్ట త్రిపాఠి ఐపీఎస్ పల్నాడు జిల్లా ఎస్పీ కంచి శ్రీనివాసరావు ఐపిఎస్

పల్నాడు జిల్లా పోలీస్…

ది.26.02.2025 వ తేదీన జరుగనున్న మహా శివరాత్రి పర్వదిన సందర్భంగా శ్రీ త్రికోటేశ్వర స్వామి వారు వేంచేసిన కోటప్పకొండ పరిసరాలను పరిశీలించిన గుంటూరు రేంజ్ ఐజి సర్వశ్రేష్ట త్రిపాఠి ఐపీఎస్  మరియు పల్నాడు జిల్లా ఎస్పీ కంచి శ్రీనివాస రావు ఐపిఎస్

ఈ నెల(ఫిబ్రవరి 26 – 2025) జరగనున్న కోటప్పకొండ తిరునాళ్ళ బందోబస్తుకు పోలీస్ అధికారులు సన్నద్ధంగా వుండాలని ఆదేశించిన  గుంటూరు రేంజ్ ఐజీ సర్వ శ్రేష్ట త్రిపాఠి ఐపీఎస్

కోటప్పకొండ పరిసర ప్రాంతాలలో ఏర్పాటు చేసినటువంటి పార్కింగ్, స్నానాల ఘాట్, ప్రభలు నిలుపు ప్రదేశము, బస్సులు నిలుపు ప్రదేశాలను  ఐజి కి, ఎస్పీ  మరియు నరసరావుపేట డిఎస్పి నాగేశ్వరరావు  స్వయంగా చూపించి వాటి వివరాలను తెలియజేసినారు.

అనంతరం ఐజి  పోలీసు అధికారులతో సమీక్ష సమావేశం నిర్వహించి తిరునాళ్ళకు సంబంధించి వివిధ ఏర్పాట్లు (వాహన రాకపోకలు, వాహనాల పార్కింగ్, భక్తుల కోసం క్యూ లైన్ల ఏర్పాటు, ప్రభలు నిలుపు ప్రదేశాలు ఎంపిక మొ”నవి) కొరకు ముందస్తు ప్రణాళిక రూపొందించుకోవాలి అని పోలీస్ అధికారులకు ఆదేశించిన  ఐజి

గత సంవత్సరం తిరునాళ్ళ సమయంలో ఎక్కడ ట్రాఫిక్ సమస్య తలెత్తితే, దానికి కారణం తెలుసుకుని ఈ సంవత్సరం మరల ఆ విధమైన సమస్య ఉత్పన్నమవకుండా చూడాలని సూచించారు.

రోడ్లు మరియు భవనాల శాఖ వారి సమన్వయంతో ఎక్కడైనా రోడ్లు వెడల్పు చేయించడం, రోడ్డు మార్గాలలో అవాంతరాలు వుంటే తొలగించడం, చిన్న చిన్న బ్రిడ్జి లు మరియు కల్వర్టులను బాగు చేయించడం మొదలగు పనులు చేయించాలని సూచించారు.

ఆలయ అధికారులతో మాట్లాడి కొండ పైన ఏటువంటి అవాంఛనీయ సంఘటనలు జరుగకుండా గుడి చుట్టూ ఫెన్సింగ్ వేయించాలని సూచించారు.

ప్రభలు నిలుపు ప్రదేశాలు పరిశీలించి, ప్రభలు వచ్చినప్పుడు ఎటువంటి అవాంతరాలు ఎదురవకుండా, ఎక్కడ ఎటువంటి ట్రాఫిక్ సమస్యలు ఉత్పన్నమవకుండా ఉండేందుకు తగినంత మంది పోలీస్ సిబ్బందిని కేటాయించి తగిన చర్యలు తెసుకోవాలని సూచించారు.

ఈ కార్యక్రమంలో ఐజి  ఎస్పీ తో పాటు అదనపు ఎస్పీ (అడ్మిన్) J.V. సంతోష్ అదనపు ఎస్పీ (ఏ ఆర్) V. సత్తిబాబు  నరసరావుపేట డిఎస్పీ K. నాగేశ్వరరావు ఏ.ఆర్ డిఎస్పి మహాత్మా గాంధీ రెడ్డి  ఎస్బి సీఐ 1 బండారు సురేష్ బాబు , ఎస్బి సిఐ 2 P. శరత్ బాబు , నరసరావుపేట రూరల్ సీఐ P. రామకృష్ణ , నరసరావుపేట 2 వ పట్టణ సీఐ హైమారావు మరియు ఇతర అధికారులు పాల్గొన్నారు.