ఉపాధ్యాయులు, తల్లిదండ్రుల సమిష్టి కృషితోనే విద్యార్థులు అభివృద్ధి పథంలోకి వస్తారు – జిల్లా ఎస్పీ శ్రీ కంచి.శ్రీనివాస రావు ఐపిఎస్.,

నారద వర్తమాన సమాచారం ఈ సందర్బంగా

ఉపాధ్యాయులు, తల్లిదండ్రుల సమిష్టి కృషితోనే విద్యార్థులు అభివృద్ధి పథంలోకి వస్తారు – జిల్లా ఎస్పీ శ్రీ కంచి.శ్రీనివాస రావు ఐపిఎస్.,

విద్యార్థులలో వికాసం మరియు మంచి భవిష్యత్తు దిశగా వారిని సక్రమ మార్గంలో నడిపించడంలో తల్లిదండ్రులు ఉపాధ్యాయుల పాత్ర కీలకంగా ఉంటుందని జిల్లా ఎస్పీ  కంచి.శ్రీనివాస రావు, ఐపిఎస్.,  తెలిపారు.

ఈరోజు లింగంగుంట్ల లోని శంకరభారతి ఉన్నత పాఠశాల నందు నిర్వహించిన మెగా పేరెంట్స్ అండ్ టీచర్స్ మీట్ కార్యక్రమంలో జిల్లా ఎస్పీ  ముఖ్యఅతిథిగా హాజరయ్యారు.

ఈ కార్యక్రమానికి అతిథిగా హాజరైన ఎస్పీ కి విద్యార్థులు, ఉపాధ్యాయులు, తల్లిదండ్రులు పుష్పగుచ్చాలు అందజేసి సాదర స్వాగతం పలికారు.

ఈ సందర్బంగా ఎస్పీ మాట్లాడుతూ..నేటి పోటీ ప్రపంచంలో విద్యార్థుల విజయానికి మెరుగైన నైపుణ్యాలు ఎంతో అవసరం.

మారుతున్న కాలానికి అనుగుణంగా చురుకుతనం, సున్నితత్వం, బాధ్యతాయుగంగా ఆలోచించే ధోరణి పెంపొందించుకోవాలని తెలిపారు.

మార్కుల వెంట పరిగెడుతూ విద్యార్థులలో మానసిక ఒత్తిడి పెరుగుతుంది. దీనినీ తగ్గించేందుకు తల్లిదండ్రులు మరియు ఉపాధ్యాయులు కలిసికట్టుగా ముందడుగు వేయాలి.

మాదకద్రవ్యాల వ్యసనాలు,సోషల్ మీడియా వ్యసనం నుండి వారిని దూరంగా ఉండడానికి బాధ్యతాయుతంగా తల్లిదండ్రులు వ్యవహరించాలి అని తెలిపారు.

విద్యార్థుల యొక్క కదలికలపై తల్లిదండ్రులు నిరంతరం ఓ కంట కనిపెడుతూ వారు చేసే పనులపై దృష్టి కేంద్రీకరించాలి అని తెలిపారు.

మీకు ఏ సమస్య ఉన్న మీ తల్లిదండ్రులతోనూ ఉపాధ్యాయులతో ధైర్యంగా తెలుపుకొని ఆ సమస్య నుంచి ఉపశమనం పొందాలి గాని దానినే తలుచుకుంటూ నిరుత్సాహపడకూడదు అని తెలిపారు.

ఏదైనా సమస్య వస్తే దానిని ఎదురుగా నిలబడి పోరాడాలని, తల్లిదండ్రుల పేరు ప్రఖ్యాతలు పెంచే దిశగా అడుగులు వేయాలని తెలిపారు.

విద్యార్థులు చదువుతోపాటు క్రీడా నైపుణ్యాలు పెంచుకొని శారీరక మరియు మానసిక, శారీరక దృఢత్వాన్ని అలవర్చుకోవాలని, ఉన్నత లక్ష్యాలను నిర్దేశించుకుని వాటి సాధనకు అవిశ్రాంతంగా కృషి చేయాలన్నారు.

విద్యార్థులకు గుడ్ అండ్ బ్యాడ్ టచ్, మాదక ద్రవ్యాల వలన కలిగే దుష్పరిణామాలు, సైబర్ నేరాలు, ఇతర రకాలైన నేరాల గురించి ఉపాధ్యాయులు అవగాహన కల్పించాలని తెలిపారు.

విద్యార్థులలో దాగివున్న ప్రతిభను గుర్తించి ఉన్నత లక్ష్యాలు సాధించేలా కృషి చేయాలి అని తెలిపారు.

ఈ కార్యక్రమంలో ఎస్పీ తో పాటు అదనపు ఎస్పీ సంతోష్, నరసరావుపేట ఆర్డీవో  శంకర భారతి ఉన్నత పాఠశాల ప్రధానోపాధ్యాయురాలు మరియు పాఠశాల సిబ్బంది, విద్యార్థుల తల్లిదండ్రులు పాల్గొన్నారు.