నారద వర్తమాన సమాచారం

చిలకలూరిపేట – నకరికల్లు నాలుగు లైన్ల విస్తరణ పనుల భూమి పూజ చేసిన ఎంపీ లావు శ్రీకృష్ణదేవరాయలు

చిలకలూరిపేట–నకరికల్లు జాతీయ రహదారి NH-167Aను రూ. 787.38 కోట్ల అంచనా వ్యయంతో 38.08 కి.మీ మేర 4-లేన్లుగా విస్తరించే పనులకు శుక్రవారం కేసానపల్లిలో భూమి పూజ నిర్వహించారు.

ఈ సందర్భంగా రైతులు, స్థానిక ప్రజలతో నిర్వహించిన అవగాహన సదస్సులో పాల్గొన్న నరసరావుపేట ఎంపీ శ్రీ లావు శ్రీకృష్ణదేవరాయలు  ఈ రహదారి హైదరాబాద్–చీరాల కనెక్టివిటీకి ఎంతో కీలకమని తెలిపారు.

భూసేకరణకు కేటాయించిన రూ.240 కోట్లలో ఇప్పటికే సుమారు రూ.120 కోట్లు రైతుల ఖాతాల్లో జమ.
మిగిలిన పరిహారం కూడా అవార్డు స్వీకరించిన అనంతరం చెల్లింపు.
చట్టప్రకారం రైతులకు ఆర్బిట్రేషన్‌కు వెళ్లే అవకాశం.
4-లేన్ రహదారితో ప్రమాదాలు తగ్గడంతో పాటు ప్రయాణం మరింత సులభతరం.
రైతులు తమ పంటలను గుంటూరు మిర్చి యార్డ్‌తో పాటు ఇతర మార్కెట్లకు వేగంగా తరలించేందుకు మరింత సులభతరం కానుంది